ഇറാന്റെ പരമോന്നത നേതാവിന്റെ സമൂഹമാദ്ധ്യമ അക്കൗണ്ടുകൾ നീക്കം ചെയ്ത് മെറ്റ

ടെഹ്റാൻ:ഉള്ളടക്ക നയം ലംഘിച്ചതിന് ഇറാന്റെ പരമോന്നത നേതാവ് ആയത്തുള്ള അലി ഖമേനിയുടെ ഫേസ്ബുക്ക്, ഇൻസ്റ്റാഗ്രാം അക്കൗണ്ടുകൾ നീക്കം ചെയ്തതായി മെറ്റാ

ഇസ്രായേൽ-ഹമാസ് യുദ്ധത്തെക്കുറിച്ച് മെറ്റ പരാമർശിച്ചില്ലെങ്കിലും, ഒക്ടോബർ 7 ന് ഇസ്രായേലിനെതിരെ ഹമാസ് നടത്തിയ ആക്രമണം മുതൽ നേതാവിനെ നിരോധിക്കാൻ കമ്പനിക്ക് മേൽ സമ്മർദ്ദമുണ്ടായിരുന്നു.

ആക്രമണത്തിന് ശേഷം, ഹമാസിന്റെ രക്തരൂക്ഷിതമായ ആക്രമണത്തെ ഖമേനി പിന്തുണച്ചെങ്കിലും ഇറാന്റെ പങ്കാളിത്തം നിഷേധിച്ചിരുന്നു. ഗാസയിൽ ഇസ്രയേൽ നടത്തിയ ബോംബാക്രമണത്തിനും യെമനിലെ ഹൂതി വിമതർ ചെങ്കടലിൽ കപ്പൽ ഗതാഗതത്തിനുമേലുള്ള ആക്രമണത്തിനും എതിരായ ഫലസ്തീൻ പ്രതികാര നടപടികളെയും അദ്ദേഹം പരസ്യമായി പിന്തുണച്ചിട്ടുണ്ട്.

35 വർഷമായി ഇറാനിൽ അധികാരത്തിലിരിക്കുന്ന ഖമേനിക്ക് ഇൻസ്റ്റാഗ്രാമിൽ അഞ്ച് ദശലക്ഷം ഫോളോവേഴ്സ് ഉണ്ട്.