മലയാളികൾ എന്നും നെഞ്ചോടുചേർത്ത പ്രതിഭകളാണ് യേശുദാസും മോഹൻലാലും. ഇരുവരെയും മലയാളികൾക്ക് ഒരിക്കലും മറക്കാൻ സാധിക്കില്ല . ഇരുവരും ചേർന്നുള്ള ഒരു ചിത്രമാണ് വൈറലാകുന്നത്. മോഹൻലാലാണ് സമൂഹമാദ്ധ്യമങ്ങളിലൂടെ പങ്കുവെച്ചത്.
ഗാനഗന്ധർവന്റെ വസതിയിൽ .പ്രിയപ്പെട്ട ദാസേട്ടനെ, അദ്ദേഹത്തിന്റെ അമേരിക്കയിലെ വീട്ടിൽ ചെന്ന് കാണാൻ കഴിഞ്ഞ സന്തോഷത്തിൽ എന്ന് ക്യാപ്ഷനോടെയാണ് ചിത്രം പങ്കുവച്ചിരിക്കുന്നത്.മലയാള സിനിമയിൽ നിലവിൽ അത്ര സജീവമല്ലാത്ത യേശുദാസ് കുടുംബത്തിനൊപ്പം അമേരിക്കയിലാണുള്ളത്. നീണ്ട ഒരു ഇടവേളയ്ക്ക് ശേഷമാണ് ഇരുവരും ഒറ്റ ഫ്രെയിമിൽ വരുന്നത്.
നിലവിൽ ആദ്യമായി സംവിധാനംചെയ്യുന്ന ബറോസിന്റെ പോസ്റ്റ് പ്രൊഡക്ഷൻ തിരക്കുകളിലാണ് മോഹൻലാൽ. ഹോളിവുഡിലെ സോണി സ്റ്റുഡിയോയിൽ ബറോസ് സിനിമ കാണാനെത്തിയ വിവരം താരം അറിയിച്ചിരുന്നു. ത്രീഡി ചിത്രമായൊരുങ്ങുന്ന ബറോസിന്റെ സംഗീതത്തിന്റെയും സൗണ്ടിന്റെയും ജോലികൾ അമേരിക്കയിലാണ് നടക്കുന്നത്. ഇതിനിടയിൽ ആയിരുന്നു അമേരിക്കയിലെ യേശുദാസിന്റെ വസതിയിലേക്ക് മോഹൻലാൽ എത്തിയത്.
ചിത്രം ഇതിനോടകം ആരാധകർ ഏറ്റെടുത്തു കഴിഞ്ഞു. രണ്ട് ഗന്ധർവൻമാർ ..അഭിനയകലയുടെ ഗന്ധർവനും ഗാന ഗന്ധർവനും , ദാസേട്ടന്റെയും ലാലേട്ടന്റെയും കാലഘട്ടത്തിൽ ജീവിക്കാൻ സാധിച്ചത് മഹാഭാഗ്യം എന്നിങ്ങനെയുള്ള നിരവധി കമന്റുകളാണ് ചിത്രത്തിൻ താഴെ ആരാധകർ കുറിക്കുന്നത്.
അതേസമയം മലയാള മണ്ണിനെയും ദൈവത്തിന്റെ സ്വന്തം നാടയ കേരളത്തെയും പുകഴ്ത്തി പാടിയ യേശുദാസ് അമേരിക്കയിൽ കുറെ ആയല്ലോ താമസം തുടങ്ങിട്ട് കേരളം മറന്ന് പോയോ ? ഈ ഗാന ഗന്ധർവൻ എന്തിനാ അമേരിക്കയിൽ ജീവിക്കുന്നത്. നമ്മുടെ കൊച്ചു കേരളത്തിൽ കഴിഞ്ഞ പോരേ എന്നിങ്ങനെയുള്ള ചോദ്യങ്ങളും ആരാധകർ കുറിക്കുന്നുണ്ട്.
Discussion about this post