തൃശ്ശൂർ : തൃശ്ശൂർ-പാലക്കാട് ദേശീയപാതയിലെ കുതിരാനിൽ വച്ച് പോലീസ് നടത്തിയ വാഹന പരിശോധനയ്ക്കിടയിൽ കണ്ടെത്തിയത് കോടികൾ വിലമതിക്കുന്ന ലഹരി വസ്തുക്കൾ. 76.530 കിലോഗ്രാം കഞ്ചാവും ഹാഷിഷ് ഓയിലും ആണ് പോലീസ് പിടികൂടിയത്. ആഗോള വിപണിയിൽ കോടികൾ വിലമതിക്കുന്നവയാണ് കണ്ടെത്തിയ ലഹരിവസ്തുക്കൾ.
പീച്ചി പോലീസ് നടത്തിയ വാഹന പരിശോധനയിലാണ് കുതിരാനിൽ വച്ച് ലഹരി വസ്തുക്കൾ പിടികൂടിയത്. സംഭവത്തിൽ രണ്ടുപേരെ പോലീസ് അറസ്റ്റ് ചെയ്തു. പുത്തൂർ പൗണ്ട് സ്വദേശിയായ പെരിയവീട്ടിൽ അരുൺകുമാർ (30), മണ്ണുത്തി പട്ടാളക്കുന്ന് കളപ്പുരക്കൽ വീട്ടിൽ അഖിൽ (29) എന്നിവരാണ് പിടിയിലായിരിക്കുന്നത്.
തൃശ്ശൂർ സിറ്റി പോലീസ് കമ്മീഷണർ അങ്കിത്ത് അശോകനും നാർക്കോട്ടിക് സെല്ലിനും ലഭിച്ച രഹസ്യ വിവരത്തിന്റെ അടിസ്ഥാനത്തിൽ ആയിരുന്നു പരിശോധന. അറസ്റ്റിലായിട്ടുള്ള പ്രതികൾ വിവിധ സ്റ്റേഷനുകളിലെ കേസുകളിൽ ഉൾപ്പെട്ടിട്ടുള്ളവർ ആണെന്നും പോലീസ് കണ്ടെത്തിയിട്ടുണ്ട്.
Discussion about this post