റായ്പൂർ: ലോക്‌സഭാ തിരഞ്ഞെടുപ്പ് അടുത്തിരിക്കെ ഝാർഖണ്ഡിൽ കനത്ത തിരിച്ചടി നേരിട്ട് കോൺഗ്രസ്. സംസ്ഥാനത്ത് കോൺഗ്രസിനുണ്ടായിരുന്ന ഓരേയൊരു എംപി രാജിവച്ച് ബിജെപിയിൽ ചേർന്നു. സിംഗ്ഭൂമിൽ നിന്നുള്ള എംപി ഗീത കോടയാണ് ബിജെപിയിൽ ചേർന്നത്.
മുഖ്യമന്ത്രി ബാബുലാൽ മാറണ്ടിയുടെ സാന്നിദ്ധ്യത്തിലാണ് ഗീത ബിജെപി അംഗത്വം സ്വീകരിച്ചത്. റാഞ്ചിയിലെ പാർട്ടി ആസ്ഥാനത്ത് നടന്ന പരിപാടിയിൽ മറ്റ് നേതാക്കളും പങ്കെടുത്തു. വരാനിരിക്കുന്ന തിരഞ്ഞെടുപ്പിൽ ബിജെപി സ്ഥാനാർത്ഥിയായി ഗീത മത്സരിക്കുമെന്നാണ് സൂചന. മുൻ ഝാർഖണ്ഡ് മുഖ്യമന്ത്രി ബബുലാൽ മാറണ്ടിയുടെ ഭാര്യകൂടിയാണ് ഗീത. ഇന്ന് രാവിലെയോടെയായിരുന്നു പാർട്ടി വിടുന്നതായി ഗീത അറിയിച്ചത്. നേതൃത്വവുമായുള്ള അസ്വാരസ്യങ്ങളാണ് രാജിയിലേക്ക് നയിച്ചത് എന്നാണ് കരുതുന്നത്.
14 ലോക്‌സഭാ സീറ്റുകളാണ് ഝാർഖണ്ഡിൽ ഉള്ളത്. 2019 ലെ തിരഞ്ഞെടുപ്പിൽ ഇതിൽ 12 സീറ്റുകളിൽ ബിജെപി വിജയിച്ചിരുന്നു. അതേസമയം ഗീത പാർട്ടി വിട്ടത് സംസ്ഥാനത്തെ കോൺഗ്രസിനെ പ്രതിരോധത്തിലാക്കിയിട്ടുണ്ട്.
