സിഡ്‌നി: സിഡ്‌നി ഇന്റര്‍നാഷണല്‍ ടെന്നീസില്‍ സാനിയമിര്‍സ -മാര്‍ട്ടിന ഹിന്‍ജിസ് സഖ്യം ലോക റെക്കോര്‍ഡോടെ ഫൈനലില്‍ കടന്നു. തുടര്‍ച്ചയായ 29ാം ജയവുമായാണ് സഖ്യം ഫൈനലില്‍ കടന്നത്.
ആദ്യ സെറ്റ് തോറ്റ ശേഷം സഖ്യം മത്സരത്തില്‍ ഉജ്ജ്വലമായി തിരിച്ചുവരുകയായിരുന്നു. 46, 63, 108 എന്ന സ്‌കോറിനാണ് സാനിയ സഖ്യം ഒലാറു -ഷവ്‌ദോവ സഖ്യത്തിന് നേരെ വിജയം നേടിയത്.
ഇന്നലെ സാനിയ -ഹിന്‍ജിസ് സഖ്യം 1994ല്‍ ബെലാറസിന്റെ നതാഷ സ്വെരേവ -പ്യൂര്‍ട്ടോ റിക്കോയുടെ റിക്കാന്‍ ജിജി ഫെര്‍ണാണ്ടസ് സഖ്യം കുറിച്ചിരുന്ന 28 തുടര്‍ വിജയങ്ങളുടെ റെക്കോഡിനൊപ്പമെത്തിയിരുന്നു.
ക്വാര്‍ട്ടര്‍ ഫൈനലില്‍ ചൈനയുടെ ചെന്‍ ലിയാംഗ് -ഷുവായ് പെംഗ് സഖ്യത്തെ തോല്‍പ്പിച്ചാണ് സാനിയ- ഹിന്‍ജിസ് സഖ്യം തുടര്‍ച്ചയായ 28ാം വിജയം നേടിയത്.
Discussion about this post