ഹിസ്ബൊള്ള ഭീകരാക്രമണത്തിൽ കൊല്ലപ്പെട്ട മലയാളി യുവാവ് പാറ്റ് നിബിൻ മാക്സ്വെല്ലിന്റെ ഭൗതികശരീരം ജന്മനാട്ടിലെത്തി. കേന്ദ്ര വിദേശകാര്യ സഹമന്ത്രി മന്ത്രി വി മുരളീധരൻ, നോർക്ക പ്രതിനിധികൾ, ഇസ്രയേൽ കോൺസുലേറ്റ് ജനറൽ എന്നിവർ ഭൗതിക ശരീരത്തിൽ പുഷ്പചക്രം അർപ്പിക്കുകയുണ്ടായി.
ഇന്നലെ വൈകുന്നേരം ആറരയോടെ തിരുവനന്തപുരം വിമാനത്താവളത്തിലെത്തിച്ച മൃതദേഹം കേന്ദ്ര വിദേശ കാര്യ സഹമന്ത്രി വി മുരളീധരനും നോർക്ക പ്രതിനിധികളും ചേർന്ന് ഏറ്റുവാങ്ങി. തുടർന്ന് നിബിന്റെ ഭൗതിക ശരീരം ബന്ധുക്കൾ ഏറ്റ് വാങ്ങുകയും ജന്മനാടായ കൊല്ലത്തെ വാടിയിലേക്ക് കൊണ്ട് പോവുകയും ചെയ്തു. സംസ്കാരം ഇന്ന് നടക്കും എന്നാണ് കരുതപ്പെടുന്നത്.
ഹിസ്ബൊള്ള ഭീകരർ ഇസ്രയേലിനെ ലക്ഷ്യമാക്കി തിങ്കളാഴ്ച നടത്തിയ ഭീകരാക്രമണത്തിലാണ് യുവാവ് കൊല്ലപ്പെട്ടത്. ഇസ്രായേലിലെ കാർഷിക ഫാമിലായിരിന്നു നിബിന് ജോലി.
Discussion about this post