പൊലീസിനെ ആക്രമിക്കുന്നവരെ വെടിവച്ചുകൊല്ലുമെന്ന് ഡിഐജി ദിനേന്ദ്ര കശ്യപ്.പയ്യന്നൂര്‍ പോലിസ് സ്റ്റേഷന് ആക്രമണത്തെ തുടര്‍ന്ന് സ്ഥലം സന്ദര്‍ശിച്ച ശേഷം പ്രതികരിക്കുകയായിരുന്നു ഡിഐജി. ഇന്നു പുലര്‍ച്ചയോടെയാണു പയ്യന്നൂര്‍ പൊലീസ്‌സ്റ്റേഷനു തൊട്ടടുത്ത രണ്ടുനിലയുള്ള പൊലീസ് ക്വാര്‍ട്ടേഴ്‌സിനു നേരെ ബോബേറുണ്ടായത്. കെട്ടിടത്തിന്റെ മുകളിലത്തെ നിലയില്‍ എസ്‌ഐയും താഴത്തെ നിലയില്‍ സിഐയുമാണു താമസം . മുകളില്‍ നിലയിലെ ജനല്‍ ഗ്ലാസുകളും താഴത്തെ നിലയില്‍ പ്രധാന വാതിലും ബോംബേറില്‍ തകര്‍ന്നിട്ടുണ്ട്.
സംഭവം അറിഞ്ഞ് സ്ഥലം സന്ദര്‍ശിച്ച ശേഷമായിരുന്നു ഡിഐജിയുടെ പ്രതികരണം.സമൂഹത്തിന്റെ രക്ഷയ്ക്കും സ്വയരക്ഷയ്ക്കും വേണ്ടിയാണ് പൊലീസിന് ആയുധം നല്‍കിയത് ഡിഐജി പറഞ്ഞു.പൊലീസിനു നേരെ ആക്രമണം നടത്തിയാല്‍ ആ നിമിഷം തന്നെ അവരെ വെടിവച്ചു കൊല്ലുംമെന്നും ഡിഐജി പ്രതികരിച്ചു. ഡിവൈഎഫ്‌ഐയുടെ പ്രാദേശിക നേതാവിനെ കാപ്പ നിയമം ചുമത്തി അറസ്റ്റു ചെയ്തതിന്റെ പ്രതികാരമായാണു പൊലീസ് സ്റ്റേഷന് ആക്രമിച്ചതെന്നാണു പൊലീസിന്റെ നിഗമനം. സ്ഥലം സന്ദര്‍ശിച്ച ജില്ലാ പൊലീസ് മേധാവി ഇതു ശരിവച്ചിട്ടുണ്ട്.
ജില്ലാ സെക്രട്ടറി പി. ജയരാജനെ അറസ്റ്റ് ചെയ്തപ്പോഴും ഈ ക്വാര്‍ട്ടേഴ്‌സിനു നേരേ ആക്രമണമുണ്ടായിരുന്നു. രണ്ടു മാസം മുന്‍പ് ഒരറസ്റ്റുമായി ബന്ധപ്പെട്ടു ക്വാര്‍ട്ടേഴ്‌സിനു മുന്നില്‍ റീത്ത് സമര്‍പ്പിച്ച സംഭവമുണ്ടായി.ആക്രമണങ്ങളുടെ പശ്ചാത്തലത്തില്‍ ക്വാര്‍ട്ടേഴ്‌സിന്റെ സുരക്ഷ വര്‍ധിപ്പിക്കാന്‍ തീരുമാനമായി
Discussion about this post