പാലക്കാട്: ലോക്‌സഭാ തിരഞ്ഞെടുപ്പിന്റെ ആവേശം അലയടിയ്‌ക്കേ വീണ്ടും കേരളം സന്ദർശിക്കാൻ ഒരുങ്ങി പ്രധാനമന്ത്രി നരേന്ദ്ര മോദി. ഇക്കുറി പാലക്കാടാകും പ്രധാനമന്ത്രി എത്തുക. ഈ വർഷം ഇത് മൂന്നാമത്തെ തവണയാണ് പ്രധാനമന്ത്രി സംസ്ഥാനത്ത് എത്തുന്നത്.
ബിജെപിയുടെ തിരഞ്ഞെടുപ്പ് പ്രചാരണത്തിന് വേണ്ടിയാണ് നരേന്ദ്ര മോദി പാലക്കാട് എത്തുന്നത്. ഈ മാസം 15 നാണ് അദ്ദേഹത്തിന്റെ സന്ദർശനം. നഗരത്തിലെ റോഡ് ഷോയിൽ പ്രധാനമന്ത്രി പങ്കെടുക്കും. എൻഡിഎ സ്ഥാനാർത്ഥി പ്രഖ്യാപനത്തിന് ശേഷം ആദ്യമായാണ് പ്രധാനമന്ത്രി കേരളത്തിൽ എത്തുന്നത്. പാലക്കാട് സി കൃഷ്ണകുമാറാണ് എൻഡിഎ സ്ഥാനാർത്ഥി. നിലവിൽ മണ്ഡലത്തിൽ പാർട്ടിയുടെ പ്രചാരണം പുരോഗമിക്കുകയാണ്. പ്രധാനമന്ത്രിയുടെ വരവ് ഇതിന് ഇരട്ടി ആവേശം പകരും.
കഴിഞ്ഞ മാസം 27 നായിരുന്നു പ്രധാനമന്ത്രി അവസാനമായി കേരളത്തിൽ എത്തിയത്. തിരുവനന്തപുരത്തായിരുന്നു അദ്ദേഹം എത്തിയത്. സംസ്ഥാന അദ്ധ്യക്ഷൻ കെ സുരേന്ദ്രൻ നയിക്കുന്ന സമാനപന സമ്മേളനത്തിന്റെ ഉദ്ഘാടനവും വിക്രംസാരാഭായി സ്‌പേസ് സെന്ററിലെ പരിപാടികളിൽ പങ്കെടുക്കുന്നതിനും വേണ്ടിയായിരുന്നു അദ്ദേഹം എത്തിയത്.
ജനുവരിയിൽ നരേന്ദ്ര മോദി കൊച്ചിയിൽ എത്തിയിരുന്നു. സുരേഷ് ഗോപിയുടെ മകളുടെ വിവാഹ ചടങ്ങിൽ പങ്കെടുക്കുന്നതിനുൾപ്പെടെ വേണ്ടിയായിരുന്നു അദ്ദേഹം കൊച്ചിയിൽ എത്തിയത്.
