ജയ്പൂർ : രാജസ്ഥാനിൽ യുദ്ധവിമാനം തകർന്നുവീണു. പരിശീലന പറക്കലിനിടെ ജയ്സാൽമീറിൽ വെച്ചായിരുന്നു സംഭവം. ഇന്ത്യൻ വ്യോമസേനയുടെ ഭാഗമായ തേജസ് വിമാനമാണ് തകർന്നുവീണത്. സംഭവത്തിൽ വ്യോമസേന അന്വേഷണത്തിന് ഉത്തരവിട്ടിട്ടുണ്ട്.
ലക്ഷ്മി ചന്ദ് സൻവാൾ കോളനിയിലെ ഒരു ഗ്രൗണ്ടിലേക്ക് തകർന്നുവീണ വിമാനം പൂർണമായും കത്തിനശിച്ചു.എന്നാൽ തകർന്നുവീഴുന്ന വിമാനത്തിൽ നിന്ന് അതിസാഹസികമായി രക്ഷപ്പെട്ട പൈലറ്റിന്റെ വീഡിയോയാണ് ഇപ്പോൾ ശ്രദ്ധ നേടുന്നത്. വിമാനത്തിന്റെ നിയന്ത്രണം നഷ്ടപ്പെട്ടതോടെ പൈലറ്റ് പാരച്ചൂട്ട് ഉപയോഗിച്ച് പറന്നിറങ്ങുകയായിരുന്നു. സുരക്ഷിതനായ താഴെയെത്തിയ പൈലറ്റിനെ ആശുപത്രിയിൽ പ്രവേശിപ്പിച്ചു.
23 വർഷമായി ഇന്ത്യൻ സേനയുടെ ഭാഗമാണ് തേജസ്. ഇത് ആദ്യമായാണ് ഇത്തരമൊരു അപകടം സംഭവിക്കുന്നത്. അപകടത്തിന്റെ കാരണം എന്താണെന്ന് വ്യക്തമായിട്ടില്ല.
