ബുലന്ദ്ഷഹർ: ഇന്ത്യയുടെ വിഭജന കാലത്ത് പാകിസ്ഥാനിലെ ന്യൂനപക്ഷങ്ങൾക്ക് ഇന്ത്യയുടെ സ്ഥാപക പിതാക്കന്മാർ നൽകിയ വാഗ്ദാനത്തിന് അനുസൃതമാണ് പൗരത്വ ഭേദഗതി നിയമം എന്ന് വ്യക്തമാക്കി കേരള ഗവർണർ ആരിഫ് മുഹമ്മദ് ഖാൻ. ബുധനാഴ്ച ഉത്തർ പ്രദേശിലെ ബുലന്ദ് ഷഹറിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
“മഹാത്മാഗാന്ധി, ജവഹർലാൽ നെഹ്റു, സർദാർ പട്ടേൽ, മൗലാന ആസാദ്, ഡോ. മൻമോഹൻ സിംഗ്–എല്ലാവരും പാകിസ്ഥാനിലും ബംഗ്ലാദേശിലും പീഡിപ്പിക്കപ്പെടുന്ന ന്യൂനപക്ഷങ്ങൾക്ക് പൗരത്വം വാഗ്ദാനം ചെയ്തു. 1947 ലാണ് ഈ വാഗ്ദാനം ആദ്യമായി നൽകപ്പെട്ടത് ,” ഖാൻ മാധ്യമപ്രവർത്തകരോട് പറഞ്ഞു.
പാക്കിസ്ഥാനിലെ ന്യൂനപക്ഷ സമുദായങ്ങളെ നിർബന്ധിത മതപരിവർത്തനത്തിനും നിർബന്ധിത വിവാഹവും ചെയ്യിപ്പിക്കുന്നതായി സംബന്ധിച്ച് നിരവധി മാധ്യമ റിപ്പോർട്ടുകൾ വന്നിട്ടുണ്ടെന്ന് ഖാൻ പറഞ്ഞു.
എന്നാൽ പൗരത്വ ഭേദഗതിയുമായി ബന്ധപ്പെട്ട് നിൽക്കുന്ന വിവാദങ്ങളോട് പ്രതികരിക്കാനില്ല എന്നും അദ്ധേഹം വ്യക്തമാക്കി
Discussion about this post