ന്യൂഡൽഹി; രാജ്യത്ത് ഇന്ധന വില കുറച്ചു. പെട്രോളിനും ഡീസലിനും ലിറ്ററിന് രണ്ടുരൂപ വീതമാണ് കുറച്ചത്. പുതുക്കിയ വില നാളെ രാവിലെ ആറു മുതൽ പ്രാബല്യത്തിൽ വരും.
‘പെട്രോൾ, ഡീസൽ വിലകൾ 2 രൂപ കുറച്ചതിലൂടെ, കോടിക്കണക്കിന് വരുന്ന തന്റെ ഇന്ത്യൻ കുടുംബങ്ങളുടെ ക്ഷേമമാണ് എപ്പോഴും തന്റെ ലക്ഷ്യമെന്ന് പ്രധാനമന്ത്രി നരേന്ദ്രമോദിജി ഒരിക്കൽ കൂടി തെളിയിക്കുകയാണെന്ന് കേന്ദ്രമന്ത്രി ഹർദീപ് സിംഗ് പുരി എക്സിൽ കുറിച്ചു.
‘രാജ്യത്തുടനീളം പെട്രോൾ, ഡീസൽ വിലകൾ പരിഷ്കരിച്ചതായി ഓയിൽ മാർക്കറ്റിംഗ് കമ്പനികൾ (ഒഎംസി) അറിയിച്ചു. പുതിയ വിലകൾ 2024 മാർച്ച് 15, രാവിലെ ആറുമുതൽ പ്രാബല്യത്തിൽ വരും. പെട്രോൾ, ഡീസൽ വിലകൾ കുറയ്ക്കുന്നത് ഉപഭോക്താക്കളുടെ ചെലവിടൽ വർദ്ധിപ്പിക്കുകയും 58 ലക്ഷം ഹെവി ഗുഡ്സ് വാഹനങ്ങൾ, 6 കോടി കാറുകൾ, 27 കോടി ഇരുചക്ര വാഹനങ്ങൾ എന്നിവയുടെ പ്രവർത്തനച്ചെലവ് കുറയ്ക്കുകയും ചെയ്യും,” മന്ത്രാലയം എക്സിൽ കുറിച്ചു
നേരത്തെ ഗാർഹിക പാചകവാതക സിലിണ്ടറിന് (14.2 കിലോ) കേന്ദ്ര സർക്കാർ 100 രൂപ കുറച്ചിരുന്നു.
