മലപ്പുറം: എടപ്പാളിൽ വിവാഹ നിശ്ചയ ദിനത്തിൽ യുവാവ് ജീവനൊടുക്കി. വട്ടംകുളം സ്വദേശി അനീഷ് ആണ് മരിച്ചത്. ഇന്നായിരുന്നു അനീഷിന്റെ വിവാഹ നിശ്ചയം.
രാവിലെയോടെയായിരുന്നു അനീഷിനെ മരിച്ച നിലയിൽ കണ്ടത്. വീടിന് സമീപത്തെ മരത്തിൽ തൂങ്ങിയ നിലയിൽ ആയിരുന്നു മൃതദേഹം. രാവിലെ അനീഷിനെ മുറിയിൽ കാണാത്തതിനെ തുടർന്ന് ബന്ധുക്കൾ അന്വേഷിക്കുകയായിരുന്നു. അപ്പോഴാണ് തൂങ്ങിയ നിലയിൽ മൃതദേഹം കണ്ടത്.
ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറും. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. ചങ്ങരംകുളം പോലീസ് ആണ് അന്വേഷണം നടത്തുന്നത്.
Discussion about this post