പാലക്കാട് : പാലക്കാട്ടെ ആർഎസ്എസ് പ്രവർത്തകനായ എ ശ്രീനിവാസന്റെ കൊലപാതകത്തിൽ ഒളിവിലായിരുന്ന പ്രതി അറസ്റ്റിൽ. ദേശീയ അന്വേഷണ ഏജൻസി ആയ എൻഐഎ ആണ് പ്രതിയെ പിടികൂടിയത്. പോപ്പുലർ ഫ്രണ്ട് പ്രവർത്തകനും മലപ്പുറം സ്വദേശിയുമായ ഷഫീഖ് ആണ് അറസ്റ്റിൽ ആയത്. കൊല്ലത്തുനിന്നും ആണ് എൻഐഎ ഇയാളെ അറസ്റ്റ് ചെയ്തത്.
2022 ഏപ്രിൽ 16നായിരുന്നു പാലക്കാട്ടെ ആർഎസ്എസ് പ്രവർത്തകൻ എ ശ്രീനിവാസനെ പോപ്പുലർ ഫ്രണ്ട് ഭീകരർ വെട്ടി കൊലപ്പെടുത്തിയത്. ഈ കേസിലെ ആദ്യ കുറ്റപത്രം എൻഐഎ 2023 മാർച്ചിൽ കോടതിയിൽ സമർപ്പിച്ചിരുന്നു. ശ്രീനിവാസൻ കൊലപാതക കേസിലെ പ്രതികളായ 71 പേരെ തിരിച്ചറിഞ്ഞതായി എൻഐഎ വ്യക്തമാക്കി.
പോപ്പുലർ ഫ്രണ്ടിന്റെ മിഷനറി ആൻഡ് ഹിറ്റ് സ്ക്വാഡിലെ അംഗമാണ് ഇപ്പോൾ പിടിയിലായിട്ടുള്ള മലപ്പുറം സ്വദേശിയായ ഷെഫീഖ്. ശ്രീനിവാസൻ വധക്കേസിലെ പ്രധാന ഗൂഢാലോചന നടത്തിയ അഷ്റഫ് കെ പിയെ ഒളിവിൽ കഴിയാൻ സഹായിച്ചതും ഷെഫീഖ് ആയിരുന്നു.
Discussion about this post