പുതിയ കാറുകൾ വാങ്ങുപ്പോൾ ഓരോരുത്തർക്കും ഓരോ രീതിയിലായിരിക്കും ആഗ്രഹങ്ങൾ. എന്നാൽ എല്ലാവരും ശ്രദ്ധിക്കുന്ന ഒന്നാണ് കാറിന്റെ നിറം . ഏത് മോഡലുകൾ വാങ്ങിക്കുകയാണെങ്കിലും വെള്ളനിറത്തിലുള്ള കാറുകളായിരിക്കണം എന്നാണ് ഭൂരിപക്ഷം പേർക്കും താൽപര്യം. റോഡുകളിൽ ഏറ്റവും കൂടുതൽ കാണുന്നതും വെള്ളനിറത്തിലുള്ള കാറുകളായിരിക്കും. എന്നാൽ വെള്ള നിറത്തിലുള്ള കാറുകൾക്ക് ചില ദോഷവശങ്ങളുണ്ടത്രേ
*വെള്ളകാറുകളിൽ പെട്ടെന്ന് ചെളി പിടിക്കും എന്നുള്ളത് എല്ലാവർക്കും അറിയുന്ന കാര്യമാണ്. എത്ര വ്യത്തിയോടെ സൂക്ഷിച്ചാലും റോഡുകളിൽ ഇറക്കിയാൽ പൊടി പടലങ്ങൾ പിടിക്കും. എന്നാൽ വ്യത്തിയോടെ സൂക്ഷിച്ചാൽ വെള്ളക്കാറുകളെ കടത്തിവെട്ടാൻ മറ്റൊരു നിറത്തിനും സാധിക്കില്ല.
*വെള്ള നിറം കാറുകൾക്ക് പ്രത്യേക ഭംഗി നൽകുമെന്നതിനാൽ വെള്ളക്കാറുകളോടുള്ള ജനപ്രീതി കൂടിവരുകയാണ്. അതുകൊണ്ട് തന്നെ നിങ്ങൾ ഉദ്ദേശിക്കുന്ന റീസെയിൽ വാല്യു പിന്നെ കിട്ടണമെന്നില്ല.
* വെറൈറ്റി ആഗ്രഹിക്കുന്നവർക്ക് ആൾക്കൂട്ടത്തിൽ നിന്നും കാർ വേറിട്ട് നിൽക്കാൻ സാധിക്കുമോ എന്നത് സംശയമാണ്. ടാക്സി കാറുകളും സർക്കാർ കാറുകളും സ്വകാര്യ കാറുകളും എല്ലാം വെള്ള നിറത്തിലാണ്. അതുകൊണ്ട് തന്നെ വെള്ള നിറത്തിലുള്ള കാറുകൾ വ്യത്യസ്തമായി നിലനിൽക്കില്ല.
* വെള്ളയിൽ തന്നെ പല വിധ വെള്ളകളുണ്ട്. പേൾസെന്റ്, മെറ്റാലിക് വൈറ്റ് പോലുള്ള നിറഭേദങ്ങൾ ഉണ്ട്. ഇതിൽ ഏത് നിറം തിരഞ്ഞെടുക്കണമെന്ന സംശയവും ഇന്ന് പലർക്കുമുണ്ട്.
