കണ്ണൂർ: അടയ്ക്കത്തോട് മയക്കുവെടിവച്ച് പിടികൂടിയ കടുവ ചത്തു. രാത്രിയോടെയായിരുന്നു അവശനിലയിൽ ആയ കടുവ ചത്തത്. കടുവയുടെ ജഡം വെള്ളിയാഴ്ച പോസ്റ്റ്മോർട്ടം നടത്തും.
കഴിഞ്ഞ രണ്ട് ആഴ്ചയായി പ്രദേശത്ത് ഭീതി പടർത്തിയിരുന്ന കടുവയെ വൈകീട്ടോടെയായിരുന്നു മയക്കുവെടിവച്ച് പിടികൂടിയത്. ഇതിന് പിന്നാലെ കടുവ അവശനിലയിൽ ആകുകയായിരുന്നു. കടുവയുടെ വായിലും ശരീരത്തിലും നിറയെ മുറിവുകൾ ഉണ്ടായിരുന്നു. ഇതാണ് മരണകാരണം എന്നാണ് സംശയിക്കുന്നത്.
അഞ്ച് ദിവസത്തെ പരിശ്രമത്തിനൊടുവിലാണ് കടുവയെ വനംവകുപ്പ് പിടികൂടുന്നത്. രണ്ട് വെറ്റിനറി ഡോക്ടർമാരുടെ നേതൃത്വത്തിലുള്ള സംഘത്തിനായിരുന്നു ദൗത്യത്തിന്റെ ചുമതല.
Discussion about this post