ഹോളി ആഘോഷിക്കാൻ ഇഷ്ടമല്ലാത്തവർ നമുക്കിടയിൽ വിരളമാകും. മാർച്ച് 25നാണ് ഹോളി. തിങ്കളാഴ്ച്ച ആയതുകൊണ്ട് തന്നെ ജോലിസ്ഥലത്തും സ്‌കൂളിലും കോളേജിലുമെല്ലാം ഹോളിയാഘോഷങ്ങൾ ഉണ്ടാകുമല്ലോ… നിറങ്ങൾ കൊണ്ടുള്ള ആഘോഷമായതു കൊണ്ടു തന്നെ ഹോളി ആഘോഷിക്കുമ്പോൾ ചർമ്മം കൂടി ശ്രദ്ധിക്കേണ്ടത് പ്രധാനമാണ്.
ഹോളി ആഘോഷിക്കുന്നതിന് മുൻപും ശേഷവും ചർമ്മ സംരക്ഷണത്തിനായി ഇക്കാര്യങ്ങൾ ചെയ്യേണ്ടത് അത്യാവശ്യമാണ്. ഇല്ലെങ്കിൽ നിറങ്ങളിലുള്ള രാസവസ്തുക്കൾ ഒരുപക്ഷേ, നിങ്ങളുടെ ചർമ്മത്തെ ദോഷകരമായി ബാധിച്ചേക്കാം. ഇതുമാത്രമല്ല. ചൂടുകാലമായതുകൊണ്ടു തന്നെ ഏറെ നേരം സൂര്യപ്രകാശം ഏൽക്കുന്നതും ചർമ്മത്തിന് ദോഷമായേക്കാം. ഇതിനോടൊപ്പം നിറങ്ങളും വിയർപ്പും കൂടി ചർമ്മത്തിലെ സുഷിരങ്ങൾ അടഞ്ഞുപോകുന്നതും ചർമ്മപ്രശ്‌നങ്ങൾക്ക് കാരണമായേക്കാം.
ഇത്തരം പ്രശ്‌നങ്ങൾ ഒഴിവാക്കാനായി ആഘോഷങ്ങൾക്ക് മുൻപ് ചില കാര്യങ്ങൾ ശ്രദ്ധിക്കണം. അവ എന്തൊക്കെയാണെന്ന് നോക്കാം…
ഇതിൽ ഏറ്റവും പ്രധാനപ്പെട്ടത്, ഹോളി ആഘോഷങ്ങൾക്ക് മുൻപ് മുഖത്ത് കട്ടിയിൽ തന്നെ മോയ്‌സ്ച്ചറൈസർ ഇടണമെന്നതാണ്. മോയ്‌സ്ച്ചറൈസറുകൾക്ക് പകരം, വെളിച്ചെണ്ണ തേച്ചുപിടിപ്പിച്ചാലും മതി. കുറഞ്ഞത് 30 എസ്പിഎഫ് എങ്കിലും അടങ്ങിയ സൺസ്‌ക്രീൻ ഉപയോഗിക്കുക. സൺ ടാനിൽ നിന്നും ചർമ്മത്തെ സംരക്ഷിക്കാൻ മുഖത്തും കഴുത്തിലും കയ്യിലുമെല്ലാം സൺസ്‌ക്രീൻ പുരട്ടുക.
ഫുൾ സ്ലീവ് വസ്ത്രങ്ങൾ ധരിക്കുവാൻ ്രശദ്ധിക്കുക. കണ്ണിനെ പൊടിയിൽ നിന്നും ചൂടിൽ നിന്നും സംരക്ഷിക്കാൻ സൺ ഗ്ലാസും മുടിക്ക് കേടുപാടുകൾ പറ്റാതിരിക്കാൻ സ്‌കാർഫും ഉപയോഗിക്കുന്നത് നല്ലതാണ്. കെമിക്കൽ ഉള്ള നിറങ്ങൾ ഉപയോഗിക്കാതെ, ഹെർബൽ നിറങ്ങൾ ഉപയോഗിക്കാൻ ശ്രദ്ധിക്കുക.
ഹോളിക്ക് ശേഷവും ചർമ്മപരിപാലനത്തിന് ശ്രദ്ധ കൊടുക്കണം. ഹോളി ആഘോഷങ്ങൾ കഴിഞ്ഞതിന് ശേഷം ചെറു ചൂടുവെള്ളത്തിൽ നിറങ്ങൾ കഴുകി കളയുക. കുളി കഴിഞ്ഞയുടൻ നനഞ്ഞ ചർമ്മത്തിൽ മോയ്‌സ്ച്ചറൈസറുകൾ പുരട്ടുന്നത് ചർമ്മത്തിനുള്ളിലെ ഈർപ്പം നിലനിർത്താൻ സഹായിക്കും. ചർമ്മത്തിൽ ചൊറിച്ചിലോ പുകച്ചിലോ പോലെയുള്ള ബുദ്ധിമുട്ടുകൾ തോന്നുന്നുണ്ടെങ്കിൽ വെളിച്ചെണ്ണ, കറ്റാർവാഴ ജെൽ, എന്നിവ ഉപയോഗിക്കുക.
Discussion about this post