ന്യൂഡൽഹി: ഇന്നത്തെ ആഗോള നേതാക്കന്മാർക്കിടയിൽ ഏറ്റവും കഠിനാധ്വാനിയായ വ്യക്തിയാണ് പ്രധാനമന്ത്രി നരേന്ദ്ര മോദിയെന്ന് മൈക്രോസോഫ്റ്റ് സഹ സ്ഥാപകനായ ബിൽഗേറ്റ്സ്. തിരക്ക് പിടിച്ച ജീവിതത്തിനിടയിൽ എങ്ങനെയാണ് വിശ്രമത്തിനായി സമയം കണ്ടെത്തുന്നത് എന്ന ബിൽഗേറ്റ്സിന്റെ ചോദ്യത്തിന് പ്രധാനമന്ത്രി നൽകിയ മറുപടിയാണ് ഇപ്പോൾ ചർച്ചയായിരിക്കുന്നത്.
തിരക്കിനിടയിലും വിശ്രമത്തിനായി തന്റെ ശരീരം പാകപ്പെട്ടുവെന്നാണ് പ്രധാനമന്ത്രി മറുപടി പറഞ്ഞത്. ഈ ഊർജം തന്റെ ശരീരത്തിൽ നിന്നും വരുന്നതല്ല. ചെയ്യുന്ന പ്രവൃത്തിയോടുള്ള ആത്മാർഥതയും അർപ്പണ ബോധം കൊണ്ടും ഉണ്ടാകുന്നതാണ്. അതാണ് തന്നെ മുന്നോട്ടു നയിക്കുന്നതെന്നും അദ്ദേഹം പറഞ്ഞു.
വളരെ നേരത്തെ എഴുന്നേൽക്കും. എത്ര നേരം വൈകി ഉറങ്ങിയാലും നേരത്തെ എഴുന്നേൽക്കാൻ തനിക്ക് സാധിക്കും. ശരീരം അതിനായി പാകപ്പെട്ട് കഴിഞ്ഞു. തന്റെ ശരീരം സ്വാഭാവികമായി തന്നെ വിശ്രമിക്കാറുണ്ട്. ഹിമാലയത്തിൽ ബ്രാഹ്മ മുഹൂർത്തത്തിൽ എഴുന്നേറ്റാണ് കുളിക്കാറുള്ളത്. അതായത്, പുലർച്ചെ 3.20നും 3.40 നും ഇടയിലുള്ള സമയം. ഇതെല്ലാം തന്റെ ശരീരത്തെ സമയവുമായി പൊരുത്തപ്പെട്ട് പേകാൻ സഹായിക്കുന്നുണ്ടെന്നും അദ്ദേഹം പറഞ്ഞു.
Discussion about this post