എറണാകുളം : ഇടിമിന്നൽ ഏറ്റ് യുവാവിന് ദാരുണാന്ത്യം. എറണാകുളം കോതമംഗലത്താണ് സംഭവം. വടാട്ടുപാറ റോക്ക് ഭാഗം ബേസിൽ വർഗീസ് ആണ് മരിച്ചത്. ചൊവ്വാഴ്ച വൈകിട്ട് പലവൻപടി പുഴയ്ക്ക് സമീപം വെച്ചാണ് ബേസിലിന് മിന്നലേറ്റത്.
പുഴയോരത്ത് മരച്ചുവട്ടിൽ ആയിരുന്നു ബേസിൽ നിന്നിരുന്നത്. ഇടിമിന്നലേറ്റ് ഈ മരത്തിനും തീപിടിച്ചു. സമീപത്ത് ഉണ്ടായിരുന്നവർ ബേസിലിനെ കോതമംഗലത്തെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. ചൊവ്വാഴ്ച വൈകിട്ട് കോതമംഗലം താലൂക്കിലെ വിവിധ പ്രദേശങ്ങളിൽ കാറ്റും മഴയും മിന്നലും ഉണ്ടായിരുന്നു.
Discussion about this post