പത്ത് വയസുപോലും തികയാത്ത പെൺകുട്ടികളിൽ പോലും ആർത്തവം ആരംഭിക്കുന്നത് ഇന്നത്തെ കാലത്ത് സാധാരണയായി മാറിയിരിക്കുകയാണ്. പെൺകുട്ടികളുടെ ശരീരത്തിൽ ഉണ്ടാകുന്ന മാറ്റങ്ങളാണ് ഇത്തരത്തിൽ ഏറെ നേരത്തെ ആർത്തവം ആരംഭിക്കാനുള്ള കാരണം. പലരും ഇതിനെ നിസാരമായി ആണ് കാണാറുള്ളത്. എന്നാൽ, പെൺകുട്ടികളുടെ ശരീരത്തിൽ വരുന്ന ഇത്തരം മാറ്റങ്ങളെ ഏറെ ഗൗരവത്തോടെ വേണം കാണാനെന്ന് ആരോഗ്യവിദഗ്ധർ പറയുന്നു.
അതിനാൽ തന്നെ, ബാല്യകാലത്ത് തന്നെ പെൺകുട്ടികളുടെ ശരീരത്തിൽ ഉണ്ടാകുന്ന മാറ്റങ്ങളെ പഠിക്കാൻ സർവേ നടത്താൻ ഒരുങ്ങുകയാണ് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ). ഈ വർഷം അവസാനത്തോടെ ഐസിഎംആറിന്റെ കീഴിലെ നാഷണൽ ഇൻസ്റ്റിട്ട്യൂട്ട് ഫോർ റിസർച്ച് ഇൻ റിപ്രൊഡക്ടീവ് ആൻഡ് െൈചൽഡ് ഹെൽത്ത് സർവേ നടപടികൾ തുടങ്ങാനാണ് തീരുമാനം.
ആരോഗ്യകരമല്ലാത്ത ഭക്ഷണരീതിയും വ്യായാമം ഇല്ലാത്തതും ഉൾപ്പെടെയുള്ള നിരവധി കാര്യങ്ങൾ പെൺകുട്ടികളുടെ ആർത്തവത്തെ ബാധിക്കാറുണ്ട്. ബാല്യകാലം കഴിയും മുൻപ് തന്നെ ആർത്തവത്തെ നേരിടേണ്ടി വരുന്ന പെൺകുട്ടികൾക്ക് ശാരീരികമായും മാനസികമായും നിരവി പ്രശ്നങ്ങൾ നേരിടേണ്ടി വരുന്നു.
ഇത്തരം അവസ്ഥകളെ ഒഴിവാക്കാനായി പെൺകുട്ടികളുടെ മാതാപിതാക്കൾക്കും സ്കൂളുകളിലും ആരോഗ്യ പ്രവർത്തകർക്കും ചെയ്യാൻ കഴിയുന്ന നിരവധി കാര്യങ്ങളുണ്ട്. അവയിൽ ഏറ്റവും പ്രാധാന്യമേറിയതാണ് കൃത്യമായ ഡയറ്റും വ്യായമവും. കൃത്യമായ അളവിലുള്ള പോഷകമൂല്യം അടങ്ങിയ ഭഷണമാണ് കുട്ടികളുടെ ശരീരത്തിൽ എത്തുന്നതെന്ന് മാതാപിതാക്കൾ ഉറപ്പാക്കണം. ചെറുപ്പത്തിൽ തന്നെ ആവശ്യമായ വ്യായാമം ചെയ്യാൻ കുട്ടികളെ പ്രാപ്തരാക്കണം.
Discussion about this post