തിരുവനന്തപുരം :സംസ്ഥാനത്ത് സ്വർണവില ഉച്ചയോടെ വീണ്ടും കൂടി. ഇന്ന് രണ്ടു തവണകളായാണ് സ്വർണത്തിന് വില വർദ്ധിച്ചത്. ഒരു പവൻ സ്വർണത്തിന്റെ വിലയിൽ 280 രൂപയുടെ വർദ്ധനവാണ് രേഖപ്പെടുത്തിയത്. ഒരു പവൻ സ്വർണത്തിന്റെ വില 52,800 രൂപയാണ് .
ഗ്രാമിന് 25 രൂപയാണ് വർദ്ധിച്ചത്. ഇതോടെ ഒരു ഗ്രാം സ്വണവില 6,600 രൂപയിലെത്തി . ഇന്ന് രാവിലെ സ്വർണ്ണവില നിശ്ചയിക്കുമ്പോൾ അന്താരാഷ്ട്ര സ്വർണ്ണവില 2343 ഡോളർ ആയിരുന്നു. ഉച്ചയ്ക്ക് ശേഷം രാജ്യാന്തര വില 2354 ഡോളറിലേക്ക് ഉയർന്നതോടെയാണ് മണിക്കൂറുകൾക്കിടെ സ്വർണവിലയിൽ വീണ്ടും വർദ്ധനവുണ്ടായത്.
ഇന്ന് രാവിലെ സ്വർണവില വർദ്ധിച്ചിരുന്നു. 240 രൂപയായിരുന്നു പവന് രാവിലെ ഉയർന്നത്. ഉച്ചയ്ക്ക് ശേഷവും വർദ്ധനവുണ്ടായതോടെ സ്വർണവിലയിൽ ഇന്ന് മാത്രം പവന് 440 രൂപയുടെ വർദ്ധനവുണ്ടായി.
Discussion about this post