ജയ്പൂർ: കോൺഗ്രസിനെതിരെ രൂക്ഷ വിമർശനമുന്നയിച്ച് കേന്ദ്രമന്ത്രി നിർമല സീതാരാമൻ. രാജസ്ഥാനിലെ ജയ്പൂരിൽ വാർത്താ സമ്മേളനത്തിൽ സംസാരിക്കുകയായിരുന്നു അവർ. അഴിമതി നിറഞ്ഞതാണ്് കോൺഗ്രസ് പാർട്ടി. അവർക്ക് വോട്ട് ചെയ്യരുതെന്നും നിർമല സീതാരാമൻ പറഞ്ഞു.
‘തിരിച്ചുവരരുത് എന്നതായിരുന്നു സംസ്ഥാനത്തെ ജനങ്ങളുടെ മുദ്രാവാക്യം. അതുകൊണ്ടാണ് കോൺഗ്രസിന് സംസ്ഥാനത്ത് അധികാരം നഷ്ടപ്പെട്ടത്. കോൺഗ്രസ് എന്ന അഴിമതിയുടെ പാർട്ടിക്ക് നിങ്ങളുടെ വോട്ട് നൽകരുതെന്നാണ് വോട്ടർമാരോടുള്ള എന്റെ അഭ്യർത്ഥന. സംസ്ഥാനത്ത് വികസനം വരണമെങ്കിൽ നരേന്ദ്ര മോദി വീണ്ടും പ്രധാനമന്ത്രിയാകണം’- നിർമല സീതാരാമൻ പറഞ്ഞു.
തിരഞ്ഞെടുപ്പ് സമയത്ത് വാഗ്ദാനങ്ങൾ മാത്രം നൽകുക, ജനങ്ങളെ തെറ്റിദ്ധരിപ്പിക്കുക, വോട്ട് നേടുക, പിന്നീട് അതിനെ കുറിച്ചെല്ലാം മറക്കുക.. ഇതിലൊക്കെയാണ് കോൺഗ്രസ് വിദഗ്ധർ. ജനങ്ങളോട് സംസാരിക്കുകയും അവരോട് പ്രശ്നങ്ങൾ ആരായുകയും അധികാരത്തിൽ ഇരുന്നതിന് പിന്നാലെ ജനങ്ങളുടെ പ്രശ്നങ്ങളെല്ലാം മറക്കുന്നതുമാണ് കോൺഗ്രസിന്റെ പതിവ്. തങ്ങളുടെ രീതി അതല്ലെന്നും കേന്ദ്രമന്ത്രി വ്യക്തമാക്കി.
Discussion about this post