തിരുവനന്തപുരം : ഈ വർഷത്തെ ഹയർസെക്കൻഡറി വൊക്കേഷ്ണൽ ഹയർസെക്കൻഡറി പരീക്ഷകളുടെ മൂല്യനിർണയം അടുത്തയാഴ്ചയോടെ പൂർത്തിയാകും. എസ്എസ്എൽസി മൂല്യനിർണയം പൂർത്തിയായി.
25,000 ത്തോളം അദ്ധ്യാപകരാണ് ഹയർസെക്കൻഡറിയിൽ മൂല്യനിർണയം നടത്തുന്നത്. ഹയർസെക്കൻഡറിയിൽ ആകെ 77 ക്യാമ്പുകളിലാണ് മൂല്യനിർണയം നടക്കുന്നത്. അതിൽ 25 എണ്ണം ഡബിൾ വാലുവേഷൻ ക്യാമ്പുകൾ ആണ്.
ഒന്നും രണ്ടും വർഷ ഹയർസെക്കൻഡറിയിൽ 52 ലക്ഷത്തിൽപരം ഉത്തരക്കടലാസുകളാണ് മൂല്യനിർണയം നടത്തുന്നത്. അടുത്തയാഴ്ചയോടെ മൂല്യനിർണയം പൂർത്തിയാക്കും . മെയ് പത്തോടെ ഫലം പ്രസിദ്ധീകരിക്കും എന്നാണ് വിവരം. എസ്എസ്എൽസി ഫലം എന്ന് വരുമെന്നതിനെ കുറിച്ച് സൂചനയായിട്ടില്ല.
Discussion about this post