തൃശൂർ: കതിർ മണ്ഡപത്തിൽ നിന്ന് നേരെ പോളിംഗ് ബൂത്തിലെത്തി വോട്ട് രേഖപ്പെടുത്തി വധൂവരന്മാർ. കിഴക്കേ ചെറായി ചെമ്പ്ര വീട്ടില് ഉമ മണിയുടെ മകള് ശില്പ്പയും ഭര്ത്താവ് കിരണും ആണ് വിവാഹ ചടങ്ങിന് ശേഷം വോട്ട് ചെയ്യാനെത്തിയത്. ചെറായി ഗവണ്മെന്റ് യുപി സ്കൂളിലെ മൂന്നാം നമ്പർ ബൂത്തില് ആണ് ശില്പ്പ വോട്ട് രേഖപ്പെടുത്തിയത്.
ഗുരുവായൂർ ശ്രീകൃഷ്ണ ക്ഷേത്രത്തിലായിരുന്നു താലികെട്ട്. തുടര്ന്ന് 12.40 ഓടെ കിരണിനൊപ്പം പട്ടുപുടവ ചുറ്റി സർവ്വാഭരണ വിഭൂഷിതയായി വരണമാല്യവും അണിഞ്ഞ് ശിൽപ്പ ചെറായി സ്കൂളിലേക്കെത്തി. തിരിച്ച് നാട്ടിലേക്ക് എത്തിയ ശേഷം കിരൺ കപ്പൂർ പഞ്ചായത്തിലെ കാഞ്ഞരത്താണി ബൂത്തിൽ ആണ് വോട്ട് രേഖപ്പെടുത്തി.
Discussion about this post