ചണ്ഡീഗഡ് : പഞ്ചാബിൽ അതിർത്തികടന്ന് എത്തിയ പാക് ഡ്രോൺ കണ്ടെടുത്ത് ബിഎസ്എഫ്. താൺ തരൺ ജില്ലയിലെ രാജോക്ക് ഗ്രാമത്തിലാണ് സംഭവം. കൃഷിയിടത്തിൽ തകർന്ന് വീണ നിലയിൽ ആയിരുന്നു ഡ്രോൺ കണ്ടെടുത്തത് .
ബോർഡർ സെക്യൂരിറ്റി ഫോഴ്സിന്റെയും (ബിഎസ്എഫിന്റെയും) പഞ്ചാബ് പോലീസിന്റെയും നേതൃത്വത്തിലാണ് ഡ്രോൺ കണ്ടെടുത്തത്. താൺ തരൺ ജില്ലയുടെ അതിർത്തി പ്രദേശങ്ങളിൽ ഡ്രോണുകളുടെ സാന്നിദ്ധ്യത്തെക്കുറിച്ച് ബിഎസ്എഫ് ഇന്റലിജൻസ് വിവരം നൽകിയിരുന്നു. ഇതിന്റെ അടിസ്ഥാനത്തിലാണ് പഞ്ചാബ് പോലീസുമായി ബിഎസ്എഫ് സൈനികർ ഇന്നലെ അർദ്ധരാത്രിയിൽ സംയുക്ത തിരച്ചിൽ നടത്തിയത്. ഇതേ തുടർന്ന് തകർന്ന നിലയിൽ ഡ്രോൺ കണ്ടെത്തുകയായിരുന്നു.
സ്ഥലത്ത് കൂടുതൽ തിരച്ചിൽ പുരോഗമിക്കുകയാണ്. ഡ്രോൺ എത്തിയ സാഹചര്യത്തിൽ പ്രദേശത്ത് നിരീക്ഷണം ശക്തമാക്കി. ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്.
Discussion about this post