ന്യൂഡൽഹി: തിരഞ്ഞെടുപ്പ് കാഹളം മുഴങ്ങിയിട്ടും റായ്ബറേലിയും അമേഠിയിലും സ്ഥാനാർത്ഥികളെ കണ്ടെത്താനാവാതെ പ്രതിസന്ധിയിലായി കോൺഗ്രസ്. ഇരു ലോക്‌സഭാ മണ്ഡലങ്ങളിലെയും സ്ഥാനാർഥികളെ സംബന്ധിച്ച അസ്പെൻസ് അവസാനിപ്പിക്കാൻ കോൺഗ്രസ് ഒരുങ്ങുന്നു. തീരുമാനം എടുക്കാൻ കോൺഗ്രസ് അധ്യക്ഷൻ മല്ലികാർജുൻ ഖാർഗെയെ പാർട്ടിയുടെ കേന്ദ്ര തിരഞ്ഞെടുപ്പ് കമ്മിറ്റി (സിഇസി) ചുമതലപ്പെടുത്തിയിട്ടുണ്ടെന്നും 24 മണിക്കൂറിനുള്ളിൽ അത് പ്രഖ്യാപിക്കുമെന്നും ജയറാം രമേശ് പറഞ്ഞു.ആരും പേടിക്കേണ്ട, ആരും ഓടിപ്പോകുന്നില്ലെന്നും അദ്ദേഹം പറഞ്ഞു.
പ്രഖ്യാപനം വൈകുന്നതിൽ പ്രതിഷേധിച്ച് കോൺഗ്രസ് പ്രവർത്തകർ ഇന്നലെ അമേഠിയിൽ പ്രതിഷേധ പ്രകടനം നടത്തിയിരുന്നു.’അമേഠി മാംഗേ ഗാന്ധി പരിവാർ (അമേഠി ഗാന്ധി കുടുംബത്തെ ആവശ്യപ്പെടുന്നു)’ എന്ന മുദ്രാവാക്യം കോൺഗ്രസ് പ്രവർത്തകർ പാർട്ടി ഓഫീസിന് പുറത്ത് പ്രതിഷേധിച്ചു.
2019ൽ ബിജെപിയുടെ സ്മൃതി ഇറാനിയോട് ഞെട്ടിക്കുന്ന തോൽവിയിൽ കുടുംബ കോട്ട നഷ്ടപ്പെട്ട മുൻ അധ്യക്ഷൻ രാഹുൽ ഗാന്ധിയെ വീണ്ടും അമേഠിയിൽ നിന്ന് മത്സരിപ്പിക്കുമെന്നും അദ്ദേഹം ഊഹാപോഹങ്ങൾ പ്രചരിക്കുന്നുണ്ട്
