അഹമ്മദാബാദ് : ഇന്ത്യയിൽ കോൺഗ്രസ് ദുർബലമാവുകയാണ് എന്ന് പ്രധാനമന്ത്രി നരേന്ദ്രമോദി. പാകിസ്താനിൽ പാർട്ടി അധികാരത്തിൽ തിരിച്ചെത്തുന്നതിനായി പാകിസ്താൻ നേതാക്കൾ പ്രാർത്ഥന നടത്തുകയാണ്. പാകിസ്താൻ കോൺഗ്രസിന് വേണ്ടി കരയുന്നുവെന്നും അദ്ദേഹം പറഞ്ഞു. ഗുജറാത്തിലെ ആനന്ദിൽ നടന്ന റാലിയിലാണ് മോദിയുടെ പരാമർശം.
കോൺഗ്രസിന്റെ യുവരാജാവിനെ പ്രധാനമന്ത്രിയാക്കാനാണ് പാക് ശ്രമം. പാകിസ്താനും കോൺഗ്രസുമായുള്ള ബന്ധം പരസ്യമാണെന്നും പ്രധാനമന്ത്രി കൂട്ടിച്ചേർത്തു. കോൺഗ്രസ് നേതാവ് രാഹുൽ ഗാന്ധിയെ പാകിസ്താൻ മുൻ മന്ത്രി പുകഴ്ത്തിയതിന് പിന്നാലെയാണ് മോദിയുടെ പരാമാർശം. ദുർബലമായ കോൺഗ്രസ് സർക്കാർ ഭീകരതയുടെ യജമാനന്മാരുടെ കൂടെയാണ്. എന്നാൽ മോദി സർക്കാർ കമ്യൂണിസ്റ്റ് ഭീകരരെ ഇവിടെ നിന്ന് തുരത്താനാണ് നോക്കുന്നത്.
60 വർഷത്തെ കോൺഗ്രസിന്റെ ഭരണം രാജ്യം കണ്ടിരുന്നു. ഇപ്പോൾ രാജ്യം ബിജെപിയുടെ 10 വർഷത്തെ സേവനവും കണ്ടു. ഏതായിരുന്നു നല്ല ഭരണ എന്ന് രാജ്യത്തെ ജനങ്ങൾക്ക് തന്നെ അറിയാവുന്നതാണ്. ഇത്ര വർഷത്തെ കോൺഗ്രസിന്റെ ഭരണത്തിൽ 60 ശതമാനം പോലും വികസനം ഉണ്ടായിട്ടില്ല എന്നും അദ്ദേഹം കൂട്ടിച്ചേർത്തു.
