കൊച്ചി; 1990 കളിൽ മോഹൽലാൽ എന്ന നടന്റെ നടനവൈഭവം കണ്ട മലയാളികൾ ശ്രദ്ധിച്ച മറ്റൊരു മുഖം കൂടി ഉണ്ടായിരുന്നു. ചെങ്കോലിൽ ലാലേട്ടന്റെ സഹോദരിയായി അഭിനയിച്ച ഉഷ. അടുത്തിടെ താരം നൽകിയ ഒരു അഭിമുഖമാണ് ചർച്ചയാവുന്നത്.
സിനിമയിൽ ഉള്ള തന്റെ അവസരങ്ങൾ ഇല്ലാതാക്കിയ സൂപ്പർ താരത്തെ കുറിച്ച് താരം വെളിപ്പെടുത്തിയെന്ന തരത്തിലാണ് അഭിമുഖം വൈറലാവുന്നത്. മെഗാ സ്റ്റാർ മമ്മൂട്ടി തന്റെ അവസരങ്ങൾ ഇല്ലാത്താക്കാൻ ശ്രമിച്ചുവെന്ന് താൻ അറിഞ്ഞതായി ഉഷ അഭിമുഖത്തിൽ പറയുന്നത്. മലയാളത്തിന്റെ മെഗാ താരം ഉഷ എന്ന നടിയുടെ അവസരങ്ങൾ ഇല്ലാത്താക്കാൻ ശ്രമിച്ചുവെന്ന് ഒരു കമന്റ് കണ്ടിരുന്നുവെന്ന് അവതാരകൻ ചോദിച്ചപ്പോഴാണ് ഇക്കാര്യം നടി ഇക്കാര്യത്തെ കുറിച്ച് സംസാരിച്ചത്.
താരത്തിന്റെ വാക്കുകളിലേക്ക് ഞാനും ഇത്തരം കമന്റുകൾ വായിച്ചിട്ടുണ്ട്. മമ്മൂക്ക എന്റെ അവസരം ഇല്ലാതാക്കാൻ ശ്രമിച്ചുവെന്ന്. എനിക്ക് മനസിലായില്ല എന്താണ് അങ്ങനെ പറഞ്ഞതെന്ന്. അങ്ങനെ ചില ചിത്രങ്ങളിൽ നിന്ന് എന്നെ ഒഴിവാക്കിയിട്ടുണ്ടെന്ന് ഞാൻ അറിഞ്ഞിട്ടുണ്ട്. ആദ്യം നല്ല വിഷമം തോന്നി. അന്നത്തെ അമ്മയുടെ പ്രസിഡന്റ് ഇന്നസെന്റ് ചേട്ടനോട് ഞാൻ അത് സൂചിപ്പിച്ചിരുന്നു. അമ്മയുടെ ജനറൽ ബോഡി നടന്ന സമയത്താണ് അത് ഞാൻ സൂചിപ്പിച്ചത്. ഇങ്ങനെ ഒരു കാര്യം ഉണ്ട് എല്ലാവരും പറയുന്നുവെന്നാണ് ഞാൻ ഇന്നസെന്റ് ചേട്ടനോട് പറഞ്ഞത്. ചേട്ടൻ എന്നോട് ഞാൻ മമ്മൂട്ടിയോട് ചോദിക്കാമെന്ന് പറഞ്ഞു. പക്ഷേ ഞാൻ സമ്മതിച്ചില്ല. എനിക്ക് അതിൽ സങ്കടമോ പരാതിയോ ഇല്ലെന്ന് മമ്മൂക്കയോട് പറയണമെന്ന് അന്ന് ഞാൻ പറഞ്ഞു- താരം വിശദമാക്കി.
ബാലചന്ദ്രമേനോന്റെ നായികയായി അരങ്ങേറിയ ഉഷ കൂടുതൽ ശ്രദ്ധിക്കപ്പെട്ടത് സഹോദരി വേഷങ്ങളിലൂടെയും കൂട്ടുകാരി വേഷങ്ങളിലൂടെയും ആയിരുന്നു. ഹസീന ഹനീഫ് എന്നായിരുന്നു താരത്തിന്റെ യഥാർത്ഥ പേര്.
