എറണാകുളം: സമൂഹമാദ്ധ്യമങ്ങളിലെ സൈബർ ആക്രമണത്തിൽ പോലീസിൽ പരാതി നൽകി ബാലതാരം ദേവനയുടെ പിതാവ്. ദേവനന്ദ സ്വകാര്യമാദ്ധ്യമത്തിന് നൽകിയ അഭിമുഖത്തിന്റെ ദൃശ്യങ്ങളിൽ ചിലത് മോശമായി പ്രചരിപ്പിക്കുന്നതിനെതിരെയാണ് പോലീസിൽ പരാതി നൽകിയത്. എറണാകുളം റൂറൽ സൈബർ പോലീസ് സ്‌റ്റേഷനാണ് പാരാതി കൈമാറിയിരിക്കുന്നത്.
ദേവനന്ദയുടെ പുതിയ സിനിമ ഗൂവിന്റെ പ്രമോഷന്റെ ഭാഗമായി നൽകിയ അഭിമുഖങ്ങൾ ഉപയോഗിച്ചാണ് സൈബർ ആക്രമണം. അഭിമുഖത്തിൽ സമകാലിക വിഷയങ്ങൾ ചർച്ച ചെയ്യുന്നവരാണ് തന്റെ ജനറേഷൻ എന്ന തരത്തിൽ ദേവനന്ദ പരാമർശം നടത്തിയിരുന്നു. ഇതാണ് സൈബർ ആക്രമണത്തിലേക്ക് വഴിവച്ചത്.
അഭിമുഖത്തിന്റെ ദൃശ്യങ്ങൾ അനുവാദം കൂടാതെയാണ് സമൂഹമാദ്ധ്യമങ്ങളിൽ പ്രചരിപ്പിക്കുന്നത് എന്ന് ദേവനന്ദയുടെ പിതാവ് ജിബിൻ നൽകിയ പരാതിയിൽ പറയുന്നു. ഇത് കാരണം എന്റെ 10 വയസ്സുളഅള മകൾക്ക് മാനസിക ബുദ്ധിമുട്ട് ആണ് ഉണ്ടായിട്ടുള്ളത്. ഇതിന് പുറമേ പൊതുമദ്ധ്യത്തിൽ അപമാനിക്കപ്പെടുകയും ചെയ്തു. അതിനാൽ അപമാനിച്ചുകൊണ്ടുള്ള വീഡിയോകൾ നീക്കം ചെയ്യണം. കുറ്റക്കാർക്കെതിരെ കർശന നടപടി സ്വീകരിക്കണം എന്നും പരാതിയിൽ ആവശ്യപ്പെടുന്നു.
