മലപ്പുറം: ചേലേമ്പ്രയിൽ കാണാതായ പതിനൊന്നുകാരൻറെ മൃതദേഹം പുഴയിൽ നിന്നും കണ്ടെത്തി. പാറയിൽ ഫൈസലിൻറെ മകൻ എവി മുഹമ്മദ് ഫാദിലാണ് മരിച്ചത്. കുട്ടിയെ ഇന്നലെ വൈകീട്ട് മുതൽ കാണാനില്ലായിരുന്നു.
വീടിന് സമീപത്തെ ജലാശയത്തിന് സമീപം നാട്ടുകാരിൽ ചിലർ കുട്ടിയെ കണ്ടതായി പറഞ്ഞിരുന്നു. ഇതേ തുടർന്നാണ് ഫയർഫോഴ്സും നാട്ടുകാരും ചേർന്ന് തിരച്ചിൽ ആരംഭിച്ചത്. തിരച്ചിലിനൊടുവിൽ പുള്ളിപുഴയിൽ നിന്നാണ് മൃതദേഹം കണ്ടെത്തിയത്.
പുള്ളിപുഴയിൽ മൃതദേഹം കണ്ടെത്തിയത്. പുല്ലിക്കടവിന് സമീപമായിരുന്നു മൃതദേഹം. ഇൻക്വസ്റ്റ് നടപടികൾക്ക് ശേഷം കുട്ടിയുടെ മൃതദേഹം ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറും. കുട്ടി അബദ്ധത്തിൽ കാലുവഴുതി വീണതാണെന്നാണ് നിഗമനം.
Discussion about this post