ലോകത്തിലെ പല മേഖലകളും റോബോട്ടുകൾ കീഴടക്കുന്ന കാഴ്ച്ചയാണ് ദിനംപ്രതി നാമെല്ലാം കണ്ടുകൊണ്ടിരിക്കുന്നത്. ഹോട്ടലുകളിൽ സപ്ലയർ ജോലി ചെയ്യുന്ന റോബോട്ടുകളെ ഏറെ കൗതുകത്തോടെയാണ് നാമെല്ലാം കണ്ടിട്ടുള്ളത്. മനുഷ്യർക്ക് ബദലായി പലയിടത്തും റോബോട്ടുകളെ ഉപയോഗിച്ചു തുടങ്ങിയിരിക്കുന്നു. മനുഷ്യനെപോലെ റോബോർട്ട് പെരുമാറി തുടങ്ങിയിരിക്കുന്നു. എന്നാൽ, റോബോട്ടിനെ പോലെ മനുഷ്യൻ പെരുമാറി തുടങ്ങിയാൽ എന്താകും അവസ്ഥ.. അത്തരത്തിൽ റോബോട്ടിനെ പോലെ ഹോട്ടലിൽ ഭക്ഷണം വിളമ്പുന്ന ഒരു പെൺകുട്ടിയുടെ വീഡിയോ ആണ് ഇപ്പോൾ സോഷ്യൽ മീഡിയയിൽ ചർച്ച.
അങ്ങ് ചൈനയിലെ ഒരു ഹോട്ടലിൽ നിന്നുള്ള ഒരു വീഡിയോ ആണ് ഇപ്പോൾ വൈറലായിരിക്കുന്നത്. ഭക്ഷണം സർവ് ചെയ്തതിന് ശേഷം അഭിവാദ്യം ചെയ്യുന്ന ഒരു റോബോട്ട് ആണ് ദൃശ്യങ്ങളിലുള്ളത്. ഒറ്റ നോട്ടത്തിൽ റോബോട്ട് ആണെന്ന് തെറ്റിദ്ധരിക്കുമെങ്കിലും യഥാർത്ഥത്തിൽ അതൊരു റോബോട്ട് അല്ല. റോബോട്ട് വേഷത്തിലെത്തിയ ഒരു പെൺകുട്ടിയാണ്. എന്നാൽ, അടുത്ത് നിൽക്കുന്നവർക്കു പോലും അതൊരു റോബോട്ട് ആണെന്ന് മനസിലാകാത്ത രീതിയിൽ അത്രയും പെർഫെക്ട് ആയി ആണ് പെൺകുട്ടി ഓരോ ചലനവും വയ്ക്കുന്നത്.
നിരവധി പേരാണ് വീഡിയോയുടെ കമന്റ് ബോക്‌സിൽ തങ്ങളുടെ അത്ഭുതം പങ്കുവച്ചിരിക്കുന്നത്. വിശ്വസിക്കാൻ കഴിയുന്നില്ലെന്നും എന്ത് പെർഫെക്ഷനാണെന്നും നിരവധി പേർ പറഞ്ഞിരിക്കുന്നു. പറഞ്ഞില്ലായിരുന്നെങ്കിൽ ഇതൊരിക്കലും മനസിലാകില്ലായിരുന്നുവെന്നും പലരും പറഞ്ഞിട്ടുണ്ട്. ഇതൊരു വല്ലാത്ത കഴിവെന്ന കമന്റുകളും ഉണ്ട്.
Discussion about this post