സ്റ്റോക്ക്‌ഹോം :മീൻ പിടുത്ത കപ്പലിന്റെ അവശിഷ്ടം തിരഞ്ഞ് പോയവർ കണ്ടെതിയത് മദ്യ ശേഖരം അടങ്ങിയ കപ്പൽ. അതും 19 -ാം നൂറ്റാണ്ടിലെ മദ്യനിധി. വിലകൂടിയ മദ്യ ശേഖരം അടങ്ങിയ കപ്പൽ കണ്ടെത്തിയിരിക്കുകയാണ് പോളണ്ടിൽ നിന്നുള്ള മുങ്ങൽ വിദഗ്ധരുടെ സംഘമായ ബാൾടിടെക്ക്.സ്വീഡന് സമീപം ബാൾട്ടിക് സമുദ്രത്തിൽ നിന്നാണ് കപ്പൽ കണ്ടെത്തിയത്.
സോണാർ യന്ത്രത്തിൽ മീൻപിടുത്തകപ്പലാണ് പതിഞ്ഞതെന്ന് കരുതിയാണ് സംഘം തിരഞ്ഞുപോയത്. പഴക്കമുള്ള കപ്പൽ അന്വേഷിച്ച് പോയപ്പോഴാണ് വിലകൂടിയ മദ്യകുപ്പികൾ കിട്ടിയത്. 100ൽ അധികം ഷാംപെയ്‌നും വൈൻ കുപ്പികളുമാണ് കപ്പലിലുണ്ടായിരുന്നത്. കൂടാതെ ജർമൻ കമ്പനിയായ സെൽട്ടേഴ്‌സിന്റെ മുദ്രയുള്ള മിനറൽ വാട്ടറിന്റെ കുപ്പികളും ചീനപാത്രങ്ങളും കണ്ടെത്തി.
കണ്ടെത്തിയ മദ്യവും ജലവും ഇപ്പോഴും സുരക്ഷിതമായി കുടിക്കാൻ കഴിയുമെന്നാണ് വിദഗ്ദർ പറയുന്നത്. റഷ്യൻ ചക്രവർത്തിയുടെ കൊട്ടാരത്തിലേക്ക് 1850 നും 1867നും ഇടയിൽ പുറപ്പെട്ട കപ്പലുകളിലൊന്നാണ് ഇത് എന്നാണ് വിലയിരുത്തുന്നത്. രാജകീയ തീൻമേശയിൽ മാത്രം കാണാൻ കഴിഞ്ഞിട്ടുള്ള വെള്ളക്കുപ്പികളാണ് കപ്പലിലുള്ളത്.
Discussion about this post