ന്യൂഡല്ഹി: വയനാട്ടില് ഉരുള്പൊട്ടല് ദുരന്തത്തില് കേരളത്തിന്റെ പരാമർശത്തിനെതിരെ വിശദീകരണവുമായി കേന്ദ്ര കാലാവസ്ഥാ നിരീക്ഷവകുപ്പ് മേധാവി മൃത്യുഞ്ജയ് മോഹപത്ര. ഓറഞ്ച് അലര്ട്ട് ലഭിക്കുമ്പോള്തന്നെ മുന്നൊരുക്കം നടത്തണമെന്നും റെഡ് അലര്ട്ടിനായി കാത്തിരിക്കേണ്ടതില്ലെന്നും അദ്ദേഹം തുറന്നു പറഞ്ഞു.
ഓറഞ്ച് അലര്ട്ട് എന്നാല് നടപടികള്ക്ക് തയ്യാറാകുക എന്നതാണ് അര്ത്ഥമാക്കുന്നതെന്നും റെഡ് അലര്ട്ടിനായി കാത്തിരിക്കേണ്ടതില്ലെന്നും അദ്ദേഹം വെളിപ്പെടുത്തി . സമാനമായ മുന്നറിയിപ്പാണ് ഉത്തരാഖണ്ഡിലും ഹിമാചല് പ്രദേശിലും നല്കിയിരുന്നതെന്നും മൃത്യുഞ്ജയ് മോഹപത്ര പറഞ്ഞു.
കനത്തമഴയെത്തുടര്ന്ന് മണ്ണിടിച്ചിലുണ്ടാവാമെന്ന് കേരളത്തിന് പലതവണ മുന്നറിയിപ്പ് നല്കിയിരുന്നെന്നും അത് മുഖവിലയ്ക്കെടുത്ത് ദുര്ബലമേഖലയില്നിന്ന് ആളുകളെ ഒഴിപ്പിച്ചിരുന്നെങ്കില് നാശനഷ്ടം കുറയ്ക്കാമായിരുന്നെന്നും പാര്ലമെന്റില് കേന്ദ്ര ആഭ്യന്തരമന്ത്രി അമിത് ഷാ പറഞ്ഞിരുന്നു. ഇതിനു സമാനമായ കാര്യമാണ് ഇപ്പോൾ ഐ എം ഡി മേധാവിയും പറഞ്ഞിരിക്കുന്നത്
Discussion about this post