ന്യൂഡൽഹി: ബംഗ്ലാദേശ് പ്രതിസന്ധിയെക്കുറിച്ച് വിദേശകാര്യമന്ത്രി എസ് ജയശങ്കറിൻ്റെ നേതൃത്വത്തിൽ ചൊവ്വാഴ്ച സർവകക്ഷിയോഗം ചേർന്നു. ലോക്സഭയിലെ പ്രതിപക്ഷ നേതാവ് രാഹുൽ ഗാന്ധി ഉൾപ്പെടെ ഭരണകക്ഷിയായ ദേശീയ ജനാധിപത്യ സഖ്യത്തിൻ്റെ നേതാക്കളും മുതിർന്ന പ്രതിപക്ഷ നേതാക്കളും യോഗത്തിൽ പങ്കെടുത്തു.
ബംഗ്ലാദേശിലെ സ്ഥിതിഗതികളിൽ എല്ലാ പാർട്ടികളും ഏകകണ്ഠമായി സർക്കാരിനെ പിന്തുണച്ചു എന്ന് ജയശങ്കർ വ്യക്തമാക്കി.
“ബംഗ്ലാദേശിൽ നടന്നുകൊണ്ടിരിക്കുന്ന സംഭവവികാസങ്ങളെക്കുറിച്ച് ഇന്ന് പാർലമെൻ്റിൽ ചേർന്ന സർവകക്ഷി യോഗത്തിൽ വിശദീകരിച്ചു. “ലഭിച്ച ഏകകണ്ഠമായ പിന്തുണയെയും പരസ്പര ധാരണയെയും അഭിനന്ദിക്കുന്നു,” എസ് ജയശങ്കർ സോഷ്യൽ മീഡിയ പ്ലാറ്റ്ഫോമിൽ പോസ്റ്റ് ചെയ്തു.
ബംഗ്ലാദേശിലെ സമീപകാല സംഭവങ്ങളുടെ പശ്ചാത്തലത്തിൽ ഇന്ത്യയുടെ വിദേശ നയം എങ്ങനെയായിരിക്കും എന്നതിനെ കുറിച്ച് മുതിർന്ന കോൺഗ്രസ് എംപി രാഹുൽ ഗാന്ധി ആശങ്ക ഉന്നയിച്ചു,
എന്നാൽ, ദേശീയ താൽപര്യം മുൻനിർത്തി സർക്കാർ സ്വീകരിക്കുന്ന നടപടികൾക്ക് പിന്തുണ അറിയിക്കുന്നതായി രാഹുൽ ഗാന്ധി പറഞ്ഞു
