എറണാകുളം: നടൻ ജയസൂര്യ ഉടൻ കേരളത്തിലേക്കില്ല. പീഡന കേസിൽ അറസ്റ്റിലാകുമോയെന്ന ഭയത്തെ തുടർന്നാണ് നടൻ കേരളത്തിലേക്ക് ഇല്ലെന്ന് തീരുമാനിച്ചത്. അദ്ദേഹത്തിന്റെ സുഹൃത്തുക്കൾ ആണ് ഇക്കാര്യം അറിയിച്ചത്.
നിലവിൽ ന്യൂയോർക്കിലാണ് ജയസൂര്യ ഉള്ളത്. സുഹൃത്തുക്കളാണ് ഇവിടെയുളള വിവരങ്ങൾ അദ്ദേഹത്തെ അറിയിക്കുന്നത്. നിലവിൽ രണ്ട് നടിമാരാണ് അദ്ദേഹത്തിനെതിരെ പരാതി നൽകിയിട്ടുള്ളത്. ഇതിൽ കേസുകളും പോലീസ് രജിസ്റ്റർ ചെയ്തിട്ടുണ്ട്. ഇതിന് പിന്നാലെ സുഹൃത്തുക്കൾ നടനുമായി ബന്ധപ്പെട്ടിരുന്നു. അപ്പോഴായിരുന്നു അദ്ദേഹം കേരളത്തിലേക്ക് ഇല്ലെന്ന് സുഹൃത്തുക്കളോട് പറഞ്ഞത്. ദുബായിൽ എത്തിയാലും നാട്ടിലേക്കില്ലെന്ന് ജയസൂര്യ പറഞ്ഞതായി സുഹൃത്തുക്കൾ വ്യക്തമാക്കി.
അതേസമയം അറസ്റ്റിൽ നിന്നും രക്ഷനേടാൻ മുൻകൂർ ജാമ്യത്തിനായുള്ള ശ്രമങ്ങൾ നടൻ നടത്തുന്നുണ്ട്. ജാമ്യാപേക്ഷ കോടതിയിൽ സമർപ്പിച്ചിട്ടുണ്ടെന്നാണ് വിവരം. ഇതിൽ തീരുമാനം ഉണ്ടാകുന്നതുവരെ നടൻ വിദേശത്ത് തുടരും.
Discussion about this post