നൈജീരിയയില് അഭയാര്ത്ഥി ക്യാമ്പിന് നേരെ ഉണ്ടായ ചാവേറാക്രമണത്തില് 58 പേര് കൊല്ലപ്പെട്ടു. നിരവധിപ്പേര്ക്കു പരിക്കേല്ക്കുകയും ചെയ്തു. നൈജീരിയയിലെ വടക്കുകിഴക്കന് സംസ്ഥാനമായ ബോര്ണോയിലെ ദിക്വയിലാണ് സംഭവം.
മൂന്നു വനിതാ ചാവേറുകളാണ് അഭയാര്ഥി ക്യാമ്പില് ആക്രമണം നടത്താനെത്തിയത്. ഇതില് രണ്ടു പേര് പൊട്ടിത്തെറിച്ചു. മറ്റൊരു വനിതാ ചാവേര് അഭയാര്ഥി ക്യാമ്പില് എത്തിയെങ്കിലും തന്റെ മാതാപിതാക്കളും സഹോദരങ്ങളും അവിടെ ഉണ്ടെന്ന വിവരത്തെ തുടര്ന്ന് പോലീസില് കീഴടങ്ങുകയായിരുന്നു.
ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല. തീവ്രവാദ സംഘടനയായ ബോക്കോ ഹറാമാണ് ആക്രമണത്തിനു പിന്നിലെന്ന് സംശയിക്കുന്നതായി പോലീസ് പറഞ്ഞു.
Discussion about this post