ന്യൂഡൽഹി: നിലവിൽ വ്യോമസേനാ ഉപമേധാവിയായി സേവനമനുഷ്ഠിക്കുന്ന എയർ മാർഷൽ അമർ പ്രീത് സിംഗിനെ അടുത്ത വ്യോമസേനാ മേധാവിയായി നിയമിച്ചു.നിലവിലെ വ്യോമസേനാ മേധാവി എയർ ചീഫ് മാർഷൽ വിവേക് റാം ചൗധരി സ്ഥാനമൊഴിയുന്ന സെപ്റ്റംബർ 30 മുതൽ അദ്ദേഹത്തിൻ്റെ നിയമനം പ്രാബല്യത്തിൽ വരുമെന്ന് ശനിയാഴ്ച വ്യോമസേനാ ഔദ്യോഗിക പത്രക്കുറിപ്പിൽ അറിയിച്ചു.
1964 ഒക്ടോബർ 27 ന് ജനിച്ച എയർ മാർഷൽ സിംഗ് 1984 ഡിസംബറിൽ ഇന്ത്യൻ വ്യോമസേനയുടെ ഫൈറ്റർ പൈലറ്റ് സ്ട്രീമിലേക്ക് കമ്മീഷൻ ചെയ്യപ്പെട്ടു. 40 വർഷത്തോളം നീണ്ട അദ്ദേഹത്തിൻ്റെ ദീർഘവും വിശിഷ്ടവുമായ സേവനത്തിനിടയിൽ, കമാൻഡ്, സ്റ്റാഫ്, ഇൻസ്ട്രക്ഷണൽ ഓഫീസർ, വിദേശത്തുള്ള നിയമനങ്ങൾ തുടങ്ങി വിവിധ മേഖലകളിൽ അദ്ദേഹം സേവനമനുഷ്ഠിച്ചിട്ടുണ്ട്. .
തൻ്റെ കരിയറിൽ, അദ്ദേഹം ഒരു ഓപ്പറേഷൻ ഫൈറ്റർ സ്ക്വാഡ്രണും ഒരു മുൻനിര എയർ ബേസും കമാൻഡർ ചെയ്തിട്ടുണ്ട്. ഒരു ടെസ്റ്റ് പൈലറ്റെന്ന നിലയിൽ, റഷ്യയിലെ മോസ്കോയിൽ മിഗ് -29 അപ്ഗ്രേഡ് പ്രോജക്റ്റ് മാനേജുമെൻ്റ് ടീമിനെ അദ്ദേഹം നയിച്ചു. നാഷണൽ ഫ്ലൈറ്റ് ടെസ്റ്റ് സെൻ്ററിൽ പ്രോജക്ട് ഡയറക്ടർ (ഫ്ലൈറ്റ് ടെസ്റ്റ്) കൂടിയായിരുന്ന അദ്ദേഹം തേജസ് എന്ന ലൈറ്റ് കോംബാറ്റ് എയർക്രാഫ്റ്റിൻ്റെ ഫ്ലൈറ്റ് ടെസ്റ്റിംഗ് ചുമതലയും വഹിച്ചിട്ടുണ്ട്.
