കൂട്ടമായി ഇരിക്കുമ്പോൾ ചിലരെ മാത്രം കൊതുകുകൾ തിരഞ്ഞ് പിടിച്ച് കടിക്കാറുണ്ട്. ഇതേക്കുറിച്ച് പരാതി പറയുമ്പോൾ ചോരയ്ക്ക് മധുരമുള്ളതുകൊണ്ടാണ് കൊതുകുകൾ കടിയ്ക്കുന്നത് എന്ന പരിഹാസ മറുപടിയായിരിക്കും മറുതലക്കിൽ നിന്നും കേൾക്കുക. ശരിയ്ക്കും ഇതിൽ എന്തെങ്കിലും സത്യമുണ്ടോ?. രക്തവും കൊതുകും തമ്മിൽ എന്താണ് ബന്ധം?. നമുക്ക് നോക്കാം.
നമ്മുടെ രക്തവും കൊതുക് കടിക്കുന്നതും തമ്മിൽ ബന്ധമുണ്ടെന്നാണ് വിദഗ്ധർ പറയുന്നത്. ഒ രക്തഗ്രൂപ്പ് ഉള്ളവരെയാണ് കൊതുക് കൂടുതലായി കടിക്കുക എന്നും ഇവർ പറയുന്നു. ഒ പോസിറ്റീവാണെങ്കിലും നെഗറ്റീവ് ആണെങ്കിലും കൊതുകുകൾ കടിക്കും. എന്നാൽ എന്താണ് ഇതിനുള്ള കാരണം എന്നകാര്യത്തിൽ ഇവർ വ്യക്തത വരുത്തുന്നില്ല. രക്ത ഗ്രൂപ്പ് പോലെ തന്നെ കൊതുകുകൾ കൂടുതലായി ഒരാളെ കടിക്കാൻ മറ്റ് ചില കാരണങ്ങൾ കൂടിയുണ്ട്.
ശരീരത്തിന്റെ ഗന്ധം മനസിലാക്കാൻ കൊതുകുകൾക്ക് കഴിയും. വിയർപ്പിന്റെ മണം അറിയാനും കൊതുകുകൾക്ക് കഴിവുണ്ട്. വിയർത്തിരിക്കുന്നവരെ കൊതുകുകൾ ധാരാളമായി കടിക്കുന്നതിന് പിന്നിലെ കാരണം ഇതാണ്. ക്രീമുകൾ തേയ്ക്കുന്ന മുഖം പോലുള്ള ഭാഗത്ത് കൊതുക് കടിക്കാത്തതിന് കാരണം ഇതാണ്. അമിതമായി മദ്യപിക്കുന്നവരെയും കൊതുകുകൾ കൂടുതലായി കടിക്കുമെന്നാണ് പഠനം പറയുന്നത്.
മണം പോലെ തന്നെ നിറം തിരിച്ചറിയാനും കൊതുകുകൾക്ക് കഴിയുമത്രേ. കറുപ്പ്, ഗ്രീൻ, പർപ്പിൾ തുടങ്ങിയ കടും നിറങ്ങൾ കൊതുകുകളെ ആകർഷിക്കുമെന്നാണ് പഠനങ്ങൾ പറയുന്നത്. അതുകൊണ്ട് തന്നെ കൊതുക് കൂടുതൽ ഉള്ള സമയങ്ങളിൽ കടും നിറങ്ങളിലുള്ള വസ്ത്രങ്ങൾ ധരിക്കുന്നത് ഒഴിവാക്കണം.
Discussion about this post