മലപ്പുറം : മലപ്പുറത്ത് എൻസിപിയിൽ കൂട്ടരാജി. എൻസിപിയിലെ പ്രമുഖ നേതാക്കളാണ് രാജി വെച്ചിരിക്കുന്നത്. എൻസിപി വിട്ട് പി വി അൻവറിന്റെ പുതിയ പാർട്ടിയിൽ ചേരും എന്നാണ് നേതാക്കൾ അറിയിക്കുന്നത്. മഞ്ചേരിയിൽ പി വി അൻവർ പാർട്ടി രൂപീകരണം പ്രഖ്യാപിക്കാൻ ഇരിക്കെയാണ് എൻസിപി നേതാക്കളും അൻവറിനൊപ്പം ചേരുന്നത്.
മലപ്പുറത്തെ എൻസിപിയുടെ യുവജന വിഭാഗം മുൻ ജില്ല പ്രസിഡന്റ് ഷുഹൈബ് എടവണ്ണ, എൻസിപി ഏറനാട് നിയോജകമണ്ഡലം പ്രസിഡന്റ് പുതിയത്ത് ഇഖ്ലാസ്, സെക്രട്ടറി ഷഹാലുദ്ദീൻ ചെറ്റിശ്ശേരി, സജീർ പിടി എന്നിവരാണ് ഇന്ന് എൻസിപിയിൽ നിന്നും രാജി വച്ചിരിക്കുന്നത്. എൽഡിഎഫ് വിട്ട പി വി അൻവർ പുതിയ പാർട്ടി രൂപീകരിക്കുമെന്ന് പ്രഖ്യാപിച്ചതോടെയാണ് എൻസിപിയിലെ ഒരു വിഭാഗം അൻവറിനോടൊപ്പം ചേരാൻ തീരുമാനിച്ചിരിക്കുന്നത്.
കേരളത്തിലെ രാഷ്ട്രീയ വിവാദങ്ങൾക്കിടയിൽ പിവി അൻവർ ചെന്നൈയിലെത്തി ഡിഎംകെ നേതാക്കളുമായി ചർച്ച നടത്തി. തമിഴ്നാട്ടിലെ ലീഗ് നേതാക്കളുമായും അൻവർ ചർച്ച നടത്തിയതായാണ് സൂചന. നാളെ മഞ്ചേരിയിൽ വെച്ച് പുതിയ പാർട്ടിയുടെ പ്രഖ്യാപനം നടത്തുമെന്നാണ് പിവി അൻവർ വ്യക്തമാക്കിയിട്ടുള്ളത്.
Discussion about this post