തിരുവനന്തപുരം : ഇപ്പോൾ സാമ്പത്തിക തട്ടിപ്പുകളുടെ കാലമാണ്. നിരവധി പേരാണ് തട്ടിപ്പിൽ വീഴുന്നത്. തട്ടിപ്പിൽ വീണ് നിസാര പണമൊന്നുമല്ല പേവുന്നത്. ലക്ഷങ്ങളാണ്.
ഇതുസംബന്ധിച്ച് ബന്ധപ്പെട്ട അധികൃതർ ഉചിതമായ സമയങ്ങളിൽ നിരവധി തവണ മുന്നറിയിപ്പ് നൽകിയിട്ടുണ്ട്. എന്നാലും കെണിയിൽ വീഴുന്നവരുടെ എണ്ണത്തിൽ കുറവ് സംഭവിക്കുന്നില്ല എന്നാണ് കണക്കുകൾ വ്യക്തമാക്കുന്നത്. ഇപ്പോൾ വീണ്ടും മുന്നറിയിപ്പുമായി രംഗത്തുവന്നിരിക്കുകയാണ് കേരള പോലീസ്.
പത്ത് വച്ചാൽ നൂറ് , നൂറ് വച്ചാൽ ആയിരം, ആയിരം വച്ചാൽ പതിനായിരം,…. എന്നിങ്ങനെ വാഗ്ദാനങ്ങൾ നീളുന്നു.
പെട്ടെന്ന് പണം സമ്പാദിക്കാമെന്നു കരുതി ടെലിഗ്രാം, വാട്സ്ആപ്പ് ഗ്രൂപ്പുകളിലെ ഇത്തരം തട്ടിപ്പുകളിൽ വീഴാതെ സൂക്ഷിക്കുക’ – കേരള പൊലീസ് ഫേയ്സ്ബുക്കിൽ കുറിച്ചു.
ഫേയ്സ്ബുക്ക് പോസ്റ്റിന്റെ പൂർണരൂപം
പത്ത് വച്ചാൽ നൂറ്, നൂറ് വച്ചാൽ ആയിരം, ആയിരം വച്ചാൽ പതിനായിരം??
അങ്ങനെ വാഗ്ദാനങ്ങൾ പലതായിരിക്കും. പെട്ടെന്ന് പണം സമ്പാദിക്കാമെന്നു കരുതി ടെലിഗ്രാം, വാട്സ്ആപ്പ് ഗ്രൂപ്പുകളിലെ ഇത്തരം തട്ടിപ്പുകളിൽ വീഴാതെ സൂക്ഷിക്കുക.
സാമ്പത്തികത്തട്ടിപ്പുമായി ബന്ധപ്പെട്ട പരാതികൾ എത്രയും വേഗം 1930 എന്ന നമ്പറിൽ പോലീസിനെ അറിയിക്കുക. പണം നഷ്ടമായി ആദ്യത്തെ ഒരു മണിക്കൂറിൽ തന്നെ പരാതി നൽകിയാൽ പണം തിരിച്ചുലഭിക്കാനുള്ള സാധ്യത വളരെ കൂടുതലാണ്.
Discussion about this post