കോഴിക്കോട്: മഞ്ഞ നിറം ലഭിക്കുന്നതിന് വേണ്ടി മിക്സ്ചറിൽ കൃത്രിമ നിറമായ “ടാർട്രാസിൻ” ചേർത്തതിനെ തുടർന്ന് കടുത്ത നടപടിയുമായി ഭക്ഷ്യ സുരക്ഷാ വകുപ്പ്. കോഴിക്കോട് ജില്ലയിലെ ചില സ്ഥാപനങ്ങളിലാണ് മിക്സ്ചറിൽ ടാർട്രാസിൻ ചേർത്തതായി കണ്ടെത്തിയത്. അലർജിക്ക് കാരണമാകുന്നതിനാൽ മിക്സ്ചറിൽ ചേർക്കാൻ പാടില്ലാത്ത വസ്തുവാണ് ടാർട്രാസിൻ. അതെ സമയം മറ്റു ചില ഭക്ഷ്യ വസ്തുക്കളിൽ ടാർട്രാസിൻ ചേർക്കുന്നതിൽ കുഴപ്പമില്ല.
വടകര, പേരാമ്പ്ര, കൊടുവള്ളി, തിരുവമ്പാടി എന്നീ സർക്കിളുകളിൽനിന്ന് ശേഖരിച്ച് പരിശോധനയ്ക്ക് അയച്ച മിക്സ്ചറുകളിലാണ് ടാർട്രാസിന്റെ സാന്നിധ്യം കണ്ടെത്തിയത്. വിൽപ്പന നടത്തിയവർക്കും നിർമിച്ചവർക്കുമെതിരേ പ്രോസിക്യൂഷൻ നടപടികളുമായി മുന്നോട്ടുപോകുമെന്ന് ഭക്ഷ്യ സുരക്ഷാ വകുപ്പ് അറിയിച്ചു.
വടകര ജെ.ടി. റോഡിലെ ഹർഷ ചിപ്സ്, പേരാമ്പ്ര കല്ലുംപുറം വേക്ക് ആൻഡ് ബേക്ക് ബേക്കറി, കൊടുവള്ളി കിഴക്കോത്ത് ഹാപ്പി ബേക്സ്, മുക്കം അഗസ്ത്യൻമുഴി ബ്രദേഴ്സ് ബേക്സ് ആൻഡ് ചിപ്സ് എന്നീ സ്ഥാപനങ്ങളിലാണ് ഭക്ഷ്യ സുരക്ഷാ വകുപ്പ് പരിശോധന നടത്തിയതും മിക്സറിന്റെ വിൽപ്പന നിരോധിച്ചതും. ഓമശ്ശേരി പുതൂർ റിയാ ബേക്കറിയുടെ മിക്സ്ചർ ഉത്പാദനവും ഭക്ഷ്യസുരക്ഷാ അസിസ്റ്റന്റ് കമ്മിഷണർ നിരോധിച്ചു
Discussion about this post