ഇടുക്കി: റിപ്പോര്‍ട്ടര്‍ ചാനല്‍ മേധാവി നികേഷ്‌കുമാറിനും ഭാര്യ റാണി വര്‍ഗീസിനുമെതിരെ ഒന്നരക്കോടിയുടെ തട്ടിപ്പ് കേസ് രജിസ്ട്രര്‍ ചെയ്തു. തൊടുപുഴ പോലീസ് സ്റ്റേഷനിലാണ് കേസ്. 2016/235 എന്ന ക്രൈംനമ്പര്‍ പ്രകാരം കേസെടുത്തിരിക്കുന്നതായി പോലിസ് വൃത്തങ്ങള്‍ അറിയിച്ചു.
തൊടുപുഴയിലെ കോണ്‍ഗ്രസ് നേതാവ് സി.പി മാത്യുവിന്റെ ഭാര്യ കരിമണ്ണൂര്‍ കോയിക്കത്താനത്ത് ലാലി ഇടുക്കി എസ്.പിക്ക് നല്‍കിയ പരാതിയെത്തുടര്‍ന്നാണ് പോലീസ് എഫ്‌ഐആര്‍ രജിസ്ട്രര്‍ ചെയ്തത്. തൊടുപുഴ ഡിവൈഎസ്പിക്ക് എസ്.പി പരാതി കൈമാറുകയായിരുന്നു. 406,420,465,467,468,471 എന്നിങ്ങനെയുള്ള വകുപ്പുകളിലാണ് കേസെടുത്തിരിക്കുന്നതെന്നാണ് ലഭിക്കുന്ന വിവരം.
ചാനലിന്റെ ഷെയറുമായി ബന്ധപ്പെട്ട് ഒന്നര കോടി രൂപയുടെ തട്ടിപ്പ് നടത്തിയെന്നാണ് ലാലി നല്‍കിയ പരാതി. 2010ല്‍ നികേഷ് ആരംഭിച്ച ഇന്‍ഡോ ഏഷ്യന്‍ ന്യൂസ് ചാനലിന്റെ (റിപ്പോര്‍ട്ടര്‍) ഷെയറായി ലാലിയില്‍ നിന്നും ഒന്നരക്കോടി രൂപ നികേഷിന്റെ കമ്പനി വാങ്ങിയിരുന്നു. തൊടുപുഴയിലെ സൗത്ത് ഇന്‍ഡ്യന്‍ ബാങ്ക് മുഖേനയാണ് ഈ തുകയുടെ ചെക്ക് മാറിയെടുത്തത്. ഒന്നരക്കോടി നല്‍കിയപ്പോള്‍ ചാനലിന്റെ പ്രധാന പോസ്റ്റും ആയിരം രൂപയുടെ ഒന്നരലക്ഷം ഷെയറും നല്‍കാമെന്നാണ് പറഞ്ഞിരുന്നത്. എന്നാല്‍ ലാലിയുടെ പേരില്‍ ഷെയര്‍ നല്‍കാതെ വ്യാജ രേഖകളുണ്ടാക്കി ഷെയര്‍ കൈമാറ്റം നടത്തിയെന്നാണ് പരാതി.
കേസില്‍ പോലിസ് അന്വേഷണം തുടങ്ങിയിട്ടില്ല.
Discussion about this post