ആദിവാസികളെ കബളിപ്പിച്ച അസിസ്റ്റന്റ് ബ്രാഞ്ച് പോസ്റ്റ് മാസ്റ്റര്‍ക്കെതിരെ അന്വേഷണം. 500 രൂപ നിക്ഷേപിച്ച് അക്കൗണ്ട് തുറന്നാല്‍ പ്രധാനമന്ത്രി നരേന്ദ്ര മോദി 10,000 രൂപ നിക്ഷേപിക്കുമെന്നായിരുന്നു ബേട്ടമുഗിലാലത്തെ അസിസ്റ്റന്റ് ബ്രാഞ്ച് പോസ്റ്റ് മാസ്റ്ററുടെ വാഗ്ദാനം. ഉന്നത ഉദ്യോഗസ്ഥര്‍ എബിപിഎമ്മിനെതിരെ അന്വേഷണത്തിന് ഉത്തരവിട്ടിട്ടുണ്ട്.
”ബേട്ടമുഗിലാലം ബ്രാഞ്ച് പോസ്റ്റ് ഓഫീസില്‍ ഒരു പോസ്റ്റ് ഓഫീസ് അക്കൗണ്ട് തുറന്നാല്‍ പ്രധാനമന്ത്രി മോദി അതില്‍ 10,000 രൂപ നിക്ഷേപിക്കുമെന്നാണ് പറഞ്ഞത്. 500 രൂപ, മൂന്ന് ഫോട്ടോകള്‍, പാന്‍ കാര്‍ഡിന്റെ ഫോട്ടോ കോപ്പികള്‍, ആധാര്‍ എന്നിവയുമായി പോസ്റ്റ് ഓഫീസിനെ സമീപിക്കാന്‍ എബിപിഎം മുരുകേശന്‍ വാഗ്ദാനം നല്‍കുകയായിരുന്നു
എന്നാല്‍ മുഖ്യമന്ത്രി എം കെ സ്റ്റാലിന്‍ 1000 രൂപ ‘കലൈഞ്ജര്‍ മഗളിര്‍ ഉറിമൈ തൊഗൈ’യില്‍ നിക്ഷേപിക്കുന്നത് പോലെ ഭാവിയില്‍ മോദി പണം നിക്ഷേപിക്കുമെന്ന് മാത്രമാണ് താന്‍ പറഞ്ഞതെന്ന് എബിപിഎം പറഞ്ഞു. മുരുകേശന്‍ അപേക്ഷകര്‍ക്ക് പണവും രേഖകളും തിരികെ നല്‍കാന്‍ തുടങ്ങിയതായും അദ്ദേഹം കൂട്ടിച്ചേര്‍ത്തു.
രേഖകള്‍ മുരുകേശന്‍ കീറിക്കളഞ്ഞുവെന്നാണ് തട്ടിപ്പിലകപ്പെട്ടവര്‍ പറയുന്നത്. ബേട്ടമുഗിലാലം പോസ്റ്റ് ഓഫീസില്‍ ഒരാഴ്ചയ്ക്കിടെ അന്‍പതോളം അപേക്ഷകളാണ് ലഭിച്ചത്. ചൊവ്വാഴ്ചയാണ് 15 അപേക്ഷകര്‍ക്ക് പണം തിരികെ നല്‍കിയ കാര്യം അറിഞ്ഞത്. താമസിക്കാതെ ശേഷിക്കുന്ന അപേക്ഷകര്‍ക്ക് അവരുടെ പണം തിരികെ ലഭിക്കും. വകുപ്പ് അന്വേഷണം നടത്തുമെന്ന് പോസ്റ്റല്‍ ഇന്‍സ്‌പെക്ടര്‍ വി പളനിമുത്തു പറഞ്ഞു.
