തിരുവനന്തപുരം: എ.ഐ ക്യാമറകളുടെ പ്രവർത്തനത്തിനായി കെൽട്രോണിന് നൽകാനുണ്ടായിരുന്ന തുകയുടെ മൂന്നു ഗഡു സംസ്ഥാന സർക്കാർ നൽകിയാതായി റിപ്പോർട്ട്. കുടിശ്ശിക ലഭിക്കാത്തതിനെ തുടർന്ന് കാലങ്ങളായി പണിമുടക്കിലായിരുന്ന എ ഐ കാമറകൾ ഇതോടു കൂടി പ്രവർത്തനക്ഷമമായി.
നേരത്തെ കെൽട്രോണിന് കൃത്യമായ ലഭിക്കാത്തതിനെ തുടർന്ന് പിഴ ചുമത്തൽ നാലിലൊന്നായി കുറഞ്ഞിരുന്നു. 100 നിയമ ലംഘനം കണ്ടെത്തുമ്പോൾ പത്ത് മുതൽ 25 വരെയേ പിഴ ചുമത്തിയിരുന്നുള്ളൂ. പിഴ രേഖപ്പെടുത്തി ആർ.സി ഉടമയ്ക്ക് നോട്ടീസയയ്ക്കുന്നത് കെൽട്രോൺ ജീവനക്കാരാണ്. ഇവരെ കരാർ അടിസ്ഥാനത്തിലായിരുന്നു നിയമിച്ചിരുന്നത്. സർക്കാരിൽ നിന്ന് പണം കിട്ടാത്തതിനാൽ കെൽട്രോൺ നിയമിച്ച കരാർ ജീവനക്കാരിൽ ഭൂരിഭാഗത്തെയും പിൻവലിച്ചിരുന്നു.
കഴിഞ്ഞ സെപ്റ്റംബറോടു കൂടിയാണ് കുടിശിക സർക്കാർ നൽകിയത്. ഇതോടെ കണ്ട്രോൾ റൂമുകൾ സജീവമാവുമായും, പിഴയടക്കാനുള്ള നോട്ടീസുകൾ ജനങ്ങളിലേക്കെത്തുകയും ചെയ്യാൻ തുടങ്ങുകയും ചെയ്തിട്ടുണ്ട്. പലരും നോട്ടീസ് കൈപ്പറ്റി പിഴയുമടച്ചു.
കഴിഞ്ഞ ജൂൺ അഞ്ചിനാണ് എ ഐ കാമറ പദ്ധതി കേരളത്തിലെ നിരത്തുകളിൽ നടപ്പിലാക്കിയത്. എന്നാൽ വലിയ വിവാദമുണ്ടാക്കുകയും മുഖ്യമന്ത്രിയുടെ ബന്ധുവിലേക്ക് നീളുകയും ചെയ്ത അഴിമതി കേസ് നിലവിൽ ഹൈക്കോടതിയുടെ പരിഗണനയിലാണ്.
Discussion about this post