ഇൻസ്റ്റഗ്രാമിൽ ആറ് ലക്ഷത്തിലധികം ഫോളോവേഴ്‌സുള്ള ‘പീനട്ട്’ എന്ന അണ്ണാനെ ന്യൂയോർക്കിലെ പരിസ്ഥിതി സംരക്ഷണ വിഭാഗം കൊന്നതിനെതിരെ സോഷ്യൽ മീഡിയയിൽ പ്രതിഷേഷധം ശക്തം. സംഭവത്തിൽ ടെസ്ല സിഇഒ ഇലോൺ മസ്‌കും തന്റെ പ്രതിഷേധമറിയിച്ചു. പീനട്ട് എന്ന അണ്ണാനെ കൊല ചെയ്തത് മനസാക്ഷിയില്ലാത്തതും ഹൃദയശൂന്യമുമായ പ്രവൃത്തിയാണെന്ന് ഇയോൺ മസ്‌ക് പ്രതികരിച്ചു.
റാബിസ് പടരാൻ സാധ്യതയുണ്ടെന്ന് ചൂണ്ടിക്കാട്ടിയാണ് ആറ് ദിവസം മുമ്പ് പരിസ്ഥിതി സംരക്ഷണ വിഭാഗം പീനട്ടിനെ കൊലപ്പെടുത്തിയത്. ഏതാനും ദിവസങ്ങൾക്ക് മുമ്പാണ് സംഭവം. മാർക്ക് ലോംഗോ എന്ന വ്യക്തിയാണ് അണ്ണാനെ വളർത്തിയിരുന്നത്. കഴിഞ്ഞ ബുധനാഴ്ചയാണ് പീനട്ടിനെയും ഫ്രഡ് എന്ന റാക്കൂണിനെയും മാർക്ക് ലോംഗോയുടെ ഫാമിൽ നിന്നും അധികൃതർ പിടികൂടിയത്. റാബിസ് പടർത്താൻ സാധ്യതയുള്ള വന്യജീവികളെ വന്യജീവികളെ സുരക്ഷിതമല്ലാത്ത രീതിയിൽ പാർപ്പിച്ചുവെന്ന് ചൂണ്ടിക്കാട്ടിയാണ് അധികൃതരുട നടപടി. പിന്നീട് അധികൃതരിലൊരാളെ പീനട്ട് കടിച്ചുവെന്ന് ആരോപിച്ചാണ് അണ്ണാനെയും റാക്കൂണിനെയും കൊന്നത്. ഇവർക്ക് റാബീസ് ബാധയുണ്ടായിരുന്നോ എന്നതിനെ പറ്റി പരിശോധിച്ചു വരികയാണ്.
ഏഴ് വർഷം മുമ്പാണ് വാഹനമിടിച്ച് അമ്മ മരിച്ച പീനട്ടിനെ മാർക്കിന് ലഭിച്ചത്. പിന്നീട ഇതിനെ മാർക്ക് വളർത്തി. വൈകാതെ തന്നെ പീനട്ട് സാമൂഹിക മാദ്ധ്യമങ്ങളിൽ വൈറലായിത്തുടങ്ങുകയായിരുന്നു.
Discussion about this post