കിഴക്കന് ചൈനയിലെ വളരെ വിചിത്രവും വ്യത്യസ്തവുമായ ഒരു ഭക്ഷണ വിഭവമാണ് യൂറിന് എഗ്ഗ്. എങ്ങനെയാണ് ഇതുണ്ടാക്കുന്നതെന്ന കാര്യം ഏവരെയും അമ്പരപ്പിക്കുന്നതാണ്. പ്രൈമറി വിദ്യാലയങ്ങളിലും പ്ലേ സ്കൂളുകളിലും വൈകുന്നേരമാവുമ്പോഴേക്ക് നഗരത്തിലെ മുട്ട വില്പനക്കാരെത്തി മൂത്രം ശേഖരിക്കുന്നു്. ചെറിയ പ്രായത്തിലുള്ള ആണ്കുട്ടികളുടെ മൂത്രത്തില് മുട്ട കുതിര്ത്തുവെച്ചുണ്ടാക്കുന്ന ‘യൂറിന് എഗ്ഗ്’ എന്ന കൗതുകമുണര്ത്തുന്ന വിഭവമുണ്ടാക്കാനാണ് ഇതുപയോഗിക്കുന്നത്. ‘വിര്ജിന് ബോയ് എഗ്ഗ്സ്’ എന്നും ഈ വിഭവത്തിന് പേരുണ്ട്.
ദുരാത്മാക്കളില് നിന്ന് രക്ഷ നേടാനും ഭാഗ്യം കൂട്ടാനും ഊര്ജ്ജം വര്ദ്ധിപ്പിക്കാനും പനി കുറയ്ക്കാനും മൂത്രം സഹായിക്കുമെന്നാണ് ചൈനയിലെ ഒരു വിഭാഗം ആളുകള് കരുതുന്നത്. പത്ത് വയസിന് താഴെയുള്ള ആണ്കുട്ടികളുടെ മൂത്രത്തിനാണ് കൂടുതല് ശക്തിയുള്ളതെന്നാണ് വിശ്വാസം
ഇത്തരത്തിലുള്ള മുട്ട ശരീരത്തിലെ ചൂട് കുറയ്ക്കുകയും മെച്ചപ്പെട്ട രക്തചംക്രമണം പ്രോത്സാഹിപ്പിക്കുകയും ചെയ്യുമെന്ന് ഡോങ്യാങ്ങിലെ ആളുകള് പറയുന്നു. പൂര്വ്വികര് കൈമാറിയ പാരമ്പര്യത്തില് തങ്ങള് വിശ്വസിക്കുന്നുവെന്നും ശരീരത്തെ പൊതുവെ പുനരുജ്ജീവിപ്പിക്കുമെന്നും അവര് കൂട്ടിച്ചേര്ക്കുന്നു.
എന്നാല് ചൈനയിലെ വൈദ്യശാസ്ത്ര രംഗത്ത് ജോലി ചെയ്യുന്നവര് ഈ വിഭവത്തെ പ്രോത്സാഹിപ്പിക്കുന്നില്ല. വൃത്തിഹീനമായ ചുറ്റുപാടില് നിന്ന് മൂത്രം ശേഖരിക്കുന്നതുകൊണ്ടും ആരോഗ്യ ഗുണങ്ങള് ഇല്ലാത്തതിനാലും ഇത് കഴിക്കുന്നത് അത്ര നല്ലതല്ലെന്നാണ് വിദഗ്ധരുടെ അഭിപ്രായം.
Discussion about this post