കോഴിക്കോട്: റീൽസ് ചിത്രീകരണത്തിനിടെ യുവാവിന് ദാരുണന്ത്യം. അപകടകരമായ രീതിയിൽ റീൽസ് ചിത്രീകരിക്കുന്നതിനിടെയിലാണ് യുവാവ് മരിച്ചത്. വടകര കടമേരി സ്വദേശി ആൽവിൻ ടി കെ (20) ആണ് മരിച്ചത് . കോഴിക്കോടാണ് സംഭവം.
ബീച്ച് റോഡിൽ അപകടകരമായ രീതിയിൽ കാർ ചേസിംഗ് വീഡിയോ റീൽസ് ചിത്രീകരിക്കുന്നതിനിടെയുണ്ടായ അപകടത്തിലാണ് 20 കാരന് ജീവൻ നഷ്ടമായത്. വാഹനങ്ങളുടെ ചേസിംഗ് വീഡിയോ ചിത്രീകരിക്കുകയായിരുന്നു ആൽവിൻ. അതിനിടെ കൂട്ടത്തിലുള്ള കാർ ഇടിച്ചാണ് അപകടമുണ്ടായത്.
ഇന്ന് രാവിലെയായിരുന്നു അപകടമുണ്ടായത്. സ്വകാര്യ ആശുപത്രിയിൽ എത്തിച്ചെങ്കിലും ആൽവിൻറെ ജീവൻ രക്ഷിക്കാനായില്ല. സംഭവത്തിൽ പോലീസ് കേസെടുത്തിട്ടുണ്ട്.
Discussion about this post