കണ്ണൂര് ജില്ലയിലെ കോളയാട് പഞ്ചായത്ത് ഓഫീസ് കെട്ടിടത്തിന്റെ ചുമരില് മാവോയിസ്റ്റ് അനുകൂല സംഘടനയായ ‘പോരാട്ട’ത്തിന്റെ പോസ്റ്ററുകള് പ്രത്യക്ഷപ്പെട്ടു.ബുധനാഴ്ച രാവിലെയാണ് പോസ്റ്ററുകള് കാണപ്പെട്ടത്.പഞ്ചായത്തധികൃതര് വിവരം അറിയിച്ചതിനെതുടര്ന്ന് കണ്ണവം പോലീസ് സ്ഥലത്തെത്തി മുഴുവന് പോസ്റ്ററുകളും ചുമരില് നിന്ന് നീക്കം ചെയ്തു.
സഖാവ്.വര്ഗീസ് രക്തസാക്ഷി ദിനമായ ഫിബ്രവരി 18നു തന്നെയാണ് ‘പോരാട്ടം’സംഘടനയുടെ പേരില് വിവിധ മുദ്രാവാക്യങ്ങളെഴുതിയ പോസ്റ്ററുകള് പഞ്ചായത്ത് ഓഫീസ് ചുമരില് പ്രത്യക്ഷപ്പെട്ടതെന്ന് ശ്രദ്ധേയമാണ്. ഈ കെട്ടിടത്തിലൊഴികെ കോളയാടില് മറ്റൊരിടത്തും പോസ്റ്ററുകള് പതിച്ചിട്ടുമില്ല.
സോഷ്യല് മീഡിയ കുത്തകയാക്കാന് ശ്രമിക്കുന്ന റിലയന്സിനെ തകര്ക്കുക,ചെക്കേരിയില് ഭരണകൂടത്തിന്റെ നാടകംപ്രതിഷേധങ്ങള്ക്കിടയിലും ക്വാറിയുടെ ലൈസന്സ് പുതുക്കി നല്കിയ മാഫിയകള്ക്ക് ഒത്താശചെയ്യുന്ന ഉദ്യോഗസ്ഥരെ ജനകീയ വിചാരണ ചെയ്യും,മനുഷ്യാവകാശ സംരക്ഷണം ഭീകരവാദമോ,കരിങ്കല് ക്വാറികള്ക്ക് സൈനിക കാവല്,ബ്ലേഡ് പലിശക്കാര്ക്ക് പോലീസ് സംരക്ഷണം,പ്രതിഷേധിക്കുന്നവരെ അടിച്ചമര്ത്താന് ചെന്നിത്തലയുടെഅടിയന്തിരാവസ്ഥ തുടങ്ങിയ മുദ്രാവാക്യങ്ങളടങ്ങുന്നവയാണ് കൈയക്ഷരത്തിലുള്ള പോസ്റ്ററുകള്.
മലയോരമേഖലയിലെ പേരാവൂര്,നെടുംപൊയില്,കേളകം,നീണ്ടുനോക്കി എന്നിവിടങ്ങളില് ദിവസങ്ങള്ക്ക്മുന്പ് സമാനരീതിയിലുള്ള പോസ്റ്ററുകള് വ്യാപകമായി കാണപ്പെട്ടെങ്കിലും ഇവയൊന്നും പോലീസ് ഇതുവരെയായും നീക്കം ചെയ്യുകയോ നശിപ്പിക്കുകയോ ചെയ്തിട്ടില്ല
Discussion about this post