തിരുവനന്തപുരം: ഉപയോക്താക്കള്‍ക്ക് ആയി പുതിയ ഫീച്ചര്‍ അവതരിപ്പിച്ച് ഇൻസ്റ്റഗ്രാം. പുതിയ ഫീച്ചര്‍ വരുന്നതോടെ പ്രധാന കാഴ്ചക്കാര്‍ക്ക് ഷെയര്‍ ചെയ്യും മുമ്പ് തന്നെ ഇന്‍സ്റ്റ കണ്ടന്‍റ് ഇനി ഫോളോവർമാർ അല്ലാത്തവർക്കും ഇനി ഷെയർ ചെയ്യാന്‍ കഴിയും. ട്രയൽ റീൽസ് എന്ന പേരിൽ ആണ് പുതിയ ഫീച്ചര്‍ അവതരിപ്പിച്ചിരിക്കുന്നത്.
ഇതനുസരിച്ച് കണ്ടന്‍റിന്‍റെ പെർഫോമൻസ് എങ്ങനെയുണ്ടെന്ന് ഉപയോക്താക്കള്‍ക്ക് പരിശോധിക്കാൻ കഴിയും. പ്രൊഫഷണൽ അക്കൗണ്ടുകൾക്ക് മാത്രമുള്ള ഈ ഫീച്ചർ ഇനി മുതല്‍ തിരഞ്ഞെടുത്ത ക്രിയേറ്റർമാർക്കും ലഭ്യമാകും.
ഒരു ക്രിയേറ്റർ ഇൻസ്റ്റാഗ്രാമിൽ പങ്കുവെക്കുന്ന ട്രയൽ റീൽ അയാളുടെ ഫോളോവർമാർക്ക് കാണാനാകില്ല. റീൽസ് ടാബിലും പ്രധാന ഗ്രിഡ്ഡിലും പോലും ഇത് കാണില്ല. ഷെയർ എവരിവൺ ബട്ടൻ ഓപ്ഷൻ തിരഞ്ഞെടുത്താൽ മാത്രമേ റീൽസ് ഫോളോവർമാരിലേക്ക് എത്തൂ. 24 മണിക്കൂറിനുള്ളിൽ തന്നെ നിങ്ങൾ നല്‍കിയ കണ്ടന്‍റിന്‍റെ പെർഫോമൻസ് എങ്ങനെയുണ്ടെന്ന് അറിയാനാകും എന്ന പ്രത്യേകതയും പുതിയ ഫീച്ചറിന് ഉണ്ട്.
ട്രയൽ റീലുകൾ ഡയറക്ട് മെസേജായി അയച്ചാലോ അല്ലെങ്കിൽ റീലിൽ ഉപയോഗിച്ചിട്ടുള്ള ശബ്ദം, ലൊക്കേഷൻ എന്നിവയുടെ പേജിലും ഫോളോവർമാർക്ക് കാണാനാവും. ട്രയൽ റീലുകൾക്ക് പേജ് വ്യൂ ലഭിക്കുന്നതിന്‍റെ സ്പീഡ് കുറവായിരിക്കും. കൂടാതെ ഫോളോവർമാരല്ലാത്തവരിലേക്ക് കണ്ടന്‍റ് എത്തിക്കാനും ഇത് സഹായകമാവും. മറ്റ് റീലുകളുടെ പ്രകടനത്തെ ഇത് ബാധിക്കില്ലെന്ന പ്രത്യേകതയുമുണ്ട്.
റീൽസ് വീഡിയോ ഷെയർ ചെയ്യാൻ നോക്കുമ്പോൾ ഷെയർ ബട്ടൺ ക്ലിക്ക് ചെയ്യുന്നതിന് മുമ്പ് ‘ട്രയൽ’ എന്ന പേരിൽ ഒരു ടോഗിൾ ബട്ടൺ കാണാം. ഇത് ടാപ്പ് ചെയ്തതിന് ശേഷം വേണം റീൽസ് ഷെയർ ചെയ്യാൻ. ഷെയർ എവരിവൺ ഓട്ടോമാറ്റിക് ആയി സെറ്റ് ചെയ്യാനുമാകും.
