43 വർഷത്തിനിടെ ദമ്പതികൾ വിവാഹം കഴിക്കുകയും വിവാഹമോചനം നേടുകയും ചെയ്തത് 12 തവണ. സ്‌നേഹത്താൽ പിരിയാൻ സാധിക്കാത്തത് കൊണ്ടല്ല. മറിച്ച് ഇതൊരു തട്ടിപ്പാണ്. 12 -മാത്തെ വിവാഹമോചനത്തിലാണ് വയോധിക ദമ്പതികളുടെ കള്ളത്തരം പിടിച്ചത്.
സംഭവം നടക്കുന്നത് ഓസ്ട്രിയയിലെ വിയന്നയിലാണ്. ഈ ദമ്പതികൾ തമ്മിൽ പ്രശ്‌നങ്ങൾ ഒന്നുമില്ലെന്നാണ് പരിസരവാസികൾ പറയുന്നത്. പ്രശ്‌നങ്ങൾ ഒന്നുമില്ലെങ്കിലും ഇവർ രണ്ട് വർഷത്തിനിടിയിൽ വിവാഹമോചനം വാങ്ങും. വിവാഹമോചനം വാങ്ങിയാലും ഇരുവരും താമസിക്കുന്നത് ഒരുമിച്ചാണ് . സർക്കാരിൽനിന്ന് ലഭിക്കുന്ന ആനുകൂല്യം തട്ടിയെടുക്കാനായിരുന്നു ദമ്പതിമാരുടെ ഈ വിവാഹങ്ങളും വിവാഹമോചനങ്ങളും എന്നാണ് ഇപ്പോൾ വ്യക്തമായിരിക്കുന്നത്.
ഓസ്ട്രിയയിലെ നിയമമനുസരിച്ച് ഒറ്റയ്ക്ക് താമസിക്കുന്ന സ്ത്രീകൾക്ക് 28,300 ഡോളർ (ഏകദേശം 24) ലക്ഷം സർക്കാരിൻ നിന്ന് ലഭിക്കും. ഇത് ലഭിക്കാനാണ് ഇരുവരും ഈ തട്ടിപ്പ് തുടർന്ന് കൊണ്ടിരുന്നത്.
വിവാഹമോചനം ആയി സർക്കാരിൽ നിന്ന് തുക കൈപറ്റി പഴയ ഭർത്താവായി പിന്നെയും കല്യാണം കഴിക്കും. ഇതാണ് ഇവരുടെ പതിവ് . അങ്ങനെ 11 തവണ സർക്കാരിനെ ദമ്പതികൾ കബളിപ്പിച്ചു. 2022ൽ ആനുകൂല്യം ലഭിക്കാനായി ‘പെൻഷൻ ഇൻഷുറൻസ് ഇൻസ്റ്റിറ്റ്യൂട്ടി’ൽ പോയതോടെയാണ് അധികൃതർ തട്ടിപ്പ് പിടികൂടിയത്. ഇത്രയും വിവാഹമോചനം നേടിയതും പിന്നീട് വിവാഹംചെയ്തതുമെല്ലാം സാമ്പത്തികലാഭം മാത്രം ലക്ഷ്യമിട്ട് നടത്തിയ തട്ടിപ്പാണെന്നും അന്വേഷണത്തിൽ കണ്ടെത്തി.
Discussion about this post