ഉഷ്ണമേഖലാ കാലാവസ്ഥയിലാണ് ജീവിക്കുന്നതെങ്കിലും പല ഇന്ത്യക്കാരും വിറ്റാമിൻ ഡിയുടെ അഭാവം കാണിക്കുന്നതായി റിപ്പോർട്ട്. വിറ്റാമിൻ ഡി ശക്തമായ അസ്ഥികൾക്ക് അത്യന്താപേക്ഷിതമാണ്. ഇത് ശരീരത്തെ കാൽസ്യം ആഗിരണം ചെയ്യാൻ സഹായിക്കുന്നു.
രോഗപ്രതിരോധ ശേഷി, പേശികളുടെ പ്രവർത്തനം, കോശ വളർച്ച എന്നിവയ്ക്ക് അത്യാവശ്യമാണ്. വിറ്റാമിൻ ഡിയുടെ കുറവ് അസ്ഥികളുടെ ദുർബലതയിലേക്ക് നയിച്ചേക്കാം . കൂടാതെ വിറ്റാമിന് ഡിയുടെ കുറവ് ഒടിവുകൾ ഉണ്ടാകാനുള്ള സാധ്യത, ക്ഷീണം, ദുർബലമായ പ്രതിരോധശേഷി, പേശികളുടെ ബലഹീനത, മൊത്തത്തിലുള്ള ആരോഗ്യത്തെയും ക്ഷേമത്തെയും ബാധിക്കുന്നു. എന്തുകൊണ്ടാണ് വിറ്റാമിൻ ഡി യുടെ കുറവ് ഇന്ത്യാക്കാർക്ക് അനുഭവപ്പെടുന്നത് ?
വിറ്റാമിൻ ഡി സ്വാഭാവികമായി ശരീരത്തിൽ ഉൽപ്പാദിപ്പിക്കുന്നതിന് ശരീരത്തിന് സൂര്യപ്രകാശം അത്യാവശ്യമാണ്. നഗരപ്രദേശങ്ങളിലെ ഭൂരിഭാഗം ആളുകളും അവരുടെ സമയത്തിന്റെ ഭൂരിഭാഗവും വീടിനകത്തോ ജോലിസ്ഥലത്തോ സ്കൂളിലോ ആണ് ചിലവഴിക്കുന്നത്. ഒഴിവുസമയങ്ങളിൽ പോലും വീടിനുള്ളിലാണ് ചിലവഴിക്കുന്നത്. അതായത് സൂര്യപ്രകാശം നേരിട്ട് ശരീരത്തിൽ എത്തുന്നത് വളരെ കുറവാണ്. വിറ്റാമിൻ ഡി ശരീരത്തിന് കിട്ടണമെങ്കിൽ നന്നായി സൂര്യപ്രകാശം കിട്ടണം. അത് ഇന്ത്യക്കാർക്ക് കുറച്ച് മാത്രമാണ് ലഭിക്കുന്നത്.
കൂടാതെ, ശരീരത്തിന്റെ ഭൂരിഭാഗവും മൂടുന്ന വസ്ത്രങ്ങൾ ധരിക്കുന്നതും സൺസ്ക്രീനിന്റെ വർദ്ധിച്ചുവരുന്ന ഉപയോഗവും ശരീരത്തിൽ സൂര്യപ്രകാശം കിട്ടുന്നത് പരിമിതപ്പെടുത്തുന്നു. ഉയർന്ന മെലാനിൻ അളവ് കാരണം ഇന്ത്യക്കാർക്ക് ഇരുണ്ട ചർമ്മമാണ് ഉള്ളത്. ഇത് ദോഷകരമായ അൾട്രാവയലറ്റ് രശ്മികളിൽ നിന്ന് സംരക്ഷിക്കുന്നു. മാത്രമല്ല UVB രശ്മികൾ ആഗിരണം ചെയ്യാനുള്ള ചർമ്മത്തിന്റെ കഴിവ് കുറയ്ക്കുകയും ചെയ്യുന്നു.
വൈറ്റമിൻ ഡിയുടെ കുറവ് എങ്ങനെ പരിഹരിക്കാം ?
സൂര്യപ്രകാശം എക്സ്പോഷർ: ദിവസവും 15-30 മിനിറ്റ് സൂര്യപ്രകാശം കൊള്ളുക. രാവിലെ 10 മണിക്കും 3 മണിക്കും ഇടയിൽ.
ഭക്ഷണക്രമം: സാൽമൺ, അയല, ഫിഷ് റോ, ഫോർട്ടിഫൈഡ് ഡയറി, ധാന്യങ്ങൾ തുടങ്ങിയ വിറ്റാമിൻ ഡി അടങ്ങിയ ഭക്ഷണങ്ങൾ കഴിക്കുക .
റെഗുലർ മോണിറ്ററിംഗ്: നിങ്ങൾക്ക് ബലഹീനതയോ അസ്ഥി വേദനയോ അല്ലെങ്കിൽ ഇടയ്ക്കിടെയുള്ള അണുബാധയോ അനുഭവപ്പെടുകയാണെങ്കിൽ, നിങ്ങളുടെ വൈറ്റമിൻ ഡി അളവ് പരിശോധിക്കുന്നതിനും സപ്ലിമെന്റുകളിൽ മാർഗ്ഗനിർദ്ദേശം നേടുന്നതിനും ഒരു ഹെൽത്ത് കെയർ പ്രൊഫഷണലിനെ സമീപിക്കുക.
Discussion about this post